E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Njësitet speciale të Maqedonisë vazhdojnë kërkimin e policëve të zhdukur kosovar

30 Prill 2018, 20:52, Aktualitet CNA

Forcat Speciale për Shpëtim të Policisë maqedonase po vazhdojnë kërkimet për dy policët kosovarë, të cilët kanë rënë në lumin Lepenc, teksa po udhëtonin me veturë zyrtare.

Sikurse bëjnë të ditur mediat kosovare dhe ato maqedonase kërkimet po zhvillohen përgjatë zonës kufitare Maqedoni-Kosovë, në afërsi të Bllacës.

Zëvëndësministri i Punëve të Brendshme të Maqedonisë, Agim Nuhiu, që ka dalë në vendin e ngjarjes, për radion “Evropa e Lirë” tha se kërkimet po bëhen në koordinim me autoritetet policore të Kosovës, përgjatë lumit Lepenc, ku dyshohet se rrjedha e ujit mund t?i ketë bartur trupat e policëve, në afërsi të pikës kufitare në Bllacë.

?Sot është dita e dytë që autoritetet e Maqedonisë, përkatësisht Policia Kufitare, në mënyrë të kordinuar me auoritetet e Kosovës, i ka zhvilluar kërkimet. Në këto momente po bëhen aktivitete pë gjetjen eventuale të trupave të dy policëve kosovarë, nga njësitet speciale të Maqedonisë. Kemi pikat ku dyshohet se eventualisht mund të jenë barikaduar trupat e kolegëve kosovarë?, thotë Nuhiu.

Ndërkaq, kryetari i Komunës së Hanit të Elezit, Rufki Suma, i cili ka ndjekur për nga afër kërkimet së bashku me zëvendësministrin Nuhiu, për radion “Evropa e Lirë” tha se rrjedha e ujit po i vështërëson kërkimet. Ai tha se kërkimet do të vazhdojnë derisa të gjenden trupat e policëve.

?Për shkak se në Kosovë tanimë forcat e FSK-së dhe qytetarë të ndryshëm po bëjnë kërkime në lumin Lepenc, dhe deri më tani nuk ka asnjë shenjë nga ata, atëherë dyshohet se lumi mund i ketë bartë trupat e policëve të Kosovës në pjesën e teritorrit e Maqedonisë. Tani në bashkëpunim me Policinë e Maqedonisë, ndjekim aktivitet e kërkim shpëtimit?, tha Suma.

Kujtojmw se dy policët kosovarë Malsor Shemsedin Dashi dhe Armend Mifail Trena janë zhdukur që nga mbrëmja e së shtunës, teksa ishin duke udhëtuar në rrugën Hani i Elezit-Kaçanik. Vetura e tyre ka rënë në lumin Lepenc.