web counter
LEXO PA REKLAMA!

SHKARKO APP

App Store
Google Play

Miratimi mes kontestimeve i statutit/ Ristani: Nuk duhet bërë kritikë ...

30 Prill 2018, 15:29, Aktualitet CNA

Sekretari i Përgjithshëm i Partisë Demokratike, Arben Ristani i ftuar në rubrikën “Opinion” teksa ka folur për zhvillimet në PD, ka folur dhe për miratimin mes kontestimeve të shumta të statutit ditën e djeshme në Kuvendin Kombëtar.

Ristani ka thënë se miratimi i statutit ishte kurorëzimi i një pune disa mujore, një proces gjithëpërfshirës, por padyshim që ka pasur dhe kritika, ndërsa ka theksuar se “nganjëherë kritika nuk duhet bërë kritikë për kritikë, pra jo vetëm në Kuvend”.

“Statuti u kurorëzua me një punë disa mujore. Ka pasur disa kritika, por ne kemi ndjekur një proces gjithëpërfshirës që jo vetëm ka marrë mendimin e strukturave në të gjithë Shqipërinë , por ka ngritur dhe një grup pune që merrej me të gjitha propozimet.  Kritika nuk duhet të bëhet kritikë për kritikë. Po të kishin dashur të mirën e PD duhet të ishin bërë pjesë e procesit dhe nuk duhet të bëjnë show”,- u shpreh Ristani.

Më tej Ristani ka thënë se pas miratimit të statutit “sot kemi rregulla që e hapin PD-në”, çka la të nënkuptohej se tashmë vijueshmëria dhe organizimi i PD-së do të jetë më i mirë.

Por nga ana tjetër shumë zëra kritikë dhe intelektualë të përjashtuar nga PD-ja, nga lidershipi i saj Lulzim Basha e konceptojnë këtë statut, si të mbylljes së Partisë Demokratike dhe të forcimit të pozitave të tij. /CNA.al





Lajmet e fundit nga