web counter
LEXO PA REKLAMA!

SHKARKO APP

App Store
Google Play

Ish-kryetari i PD: Basha nuk e rrëzon dot Ramën. Ja kush mund të jetë kryetar

30 Prill 2018, 17:53, Aktualitet CNA

Ish-kryetari i Partisë Demokratike Dega Kukës, Ibsen Elezi, ka vijuar me sulmet ndaj kryetarit të PD-së, Lulzim Basha.

I ftuar në studion e lajmeve të “Syri.net”, Elezi teksa është shprehur se Lulzim Basha nuk mund ta rrëzojë Edi Ramën, ka dhënë edhe disa emra se kush do të mund ta zëvendësonte atë në pozicionin e kryetarit të partisë. Ai tha se presioni që po bëhet nga demokratët do të sjellë ndryshime.

“Unë kam pas debate teknike dhe parimore me zotin Basha, por nuk ka qenë e udhës që të bëhen publike. Unë kam qenë pjesë e atij dokumenti për ringritjen e PD-së. Ne kemi qenë në union për ringritjen e PD-së.

PD ringrihet duke përdorur rregullat, standarde të unifikuara dhe një proces pastrimi sa më të shpejtë. Për mua është shumë e vështirë që Basha ta sjellë PD-në në pushtet. Pretendimet e tyre se Rama do të bjerë vetë, mua nuk ma mbush mendjen. LSI nuk është patericë, bile LSI na dobëson shumë në sy të elektoratit. Që në momentin që një kryetar partie thotë që nuk mund të vij në pushtet pa LSI, kjo është arsyeja e parë. Parashikoj ndryshime shumë të shpejta në PD. Tomorr Alizoti, Gent Malko, janë me kontribut në PD”, u shpreh Elezi. /CNA.al





Lajmet e fundit nga