web counter
LEXO PA REKLAMA!

SHKARKO APP

App Store
Google Play

E fundit!

x

Vizita e Ramës në Gjermani/ Paloka: Rama gënjeu. Ja cilat janë parakushtet që kërkon Berlini

26 Prill 2018, 17:45, Aktualitet CNA

Nënkryetari i Kuvendit të Shqipërisë nga opozita, Edi Paloka, ka dalë në një deklaratë për mediet, pas konferencës për shtyp të kryeministrit Edi Rama, ku foli për vizitën e tij në Gjermani.

Edi Paloka kundërshtoi Ramën, ndërsa tha se pengsa për Shqipërinë nuk është opozita, por Rama nuk ka përmbushur detyrat, e për këtë ai është vetë pengesa.

“Nuk prisnim sot që Edi Rama t?u thoshte të vërtetën shqiptarëve për vizitën e tij në Berlin.

E vërteta është se pa Saimir Tahirin para drejtësisë, Bashkimi Europian do të jetë një derë e mbyllur për Shqipërinë.

Me keqardhje, duhet të pohojmë, se nuk ka vend për optimizëm, përsa kohë Edi Rama nuk ka përmbushur detyrat: të luftojë krimin e organizuar dhe korrupsionin, të shkëpusë lidhjet e politikës me krimin, të lejojë drejtësinë të veprojë me Saimir Tahirin. Këto janë parakushtet që Berlini pret të plotësohen që të hapë dritën jeshile për negociatat e Shqipërisë.

Pengesa për Shqipërinë nuk është opozita, nuk janë miqtë e Shqipërisë në Berlin që kërkojnë standard gjerman për Saimir Tahirin dhe luftën kundër krimit të organizuar. Opozita ka dhënë mbështetje të pakushtëzuar dhe ka lobuar në Berlin e kudo që Shqipërisë t?i hapën negociatat si mjeti më efikas për të shtuar presionin dhe monitorimin ndaj një qeverie që nuk zbaton asnjë standard europian.

Shqiptarët meritojnë ta dinë të vërtetën: pengesa e vetme për Shqipërinë Europiane është Edi Rama, lidhjet e tij me krimin dhe mbrojtja politike për Saimir Tahirin. ?”, – u shpreh Paloka. /CNA.al





Lajmet e fundit nga