web counter
LEXO PA REKLAMA!

SHKARKO APP

App Store
Google Play

Radikalizmi islamik një kartë ndaj BE?/ Rama: Çdo "buf" që merret me politikë ...

26 Prill 2018, 16:20, Aktualitet CNA

Kryeministri i vendit Edi Rama, ka dalë në një konferencë për shtyp pas mbylljes së vizitës në Gjermani, ku ka dhënë detaje nga takimi me Kancelaren Angela Merkel.

I pyetur nga gazetarët rreth deklaratës së tij në takimin me Kancelaren gjermane se radikalizmi islamik do të ishte kërcënim për vendin tonë nëse nuk i hape dera e BE-së, Rama tha se nuk ishte një kartë e luajtur prej tij, por një realitet për të gjithë ata që bëjnë një analizë të situatës politike.

“Nuk kam luajtur asnjë kartë, por kam bërë një analizë, që çdo buf që merret me çështjet politike do ta kuptonte.

Gjermania nuk ka qenë kurrë dhe nuk është një vend skeptik. Gjermania e Franca janë dy shtylla mbajtëse të projektit të BE që nga themelimi”, – tha Rama.

Sipas tij, ka individë që janë skeptikë, por kjo nuk e bën as Gjermaninë e as Francën të jetë skeptike.

Duke folur për votën e Gjermanisë dhe Francës në qershor në Komisionin Europian, Rama tha se këto dy shtete po përballen me një situatë problematike, e kjo e bën që vendimmarrja të jetë e vështirë për në qeeshor.

Sipas Ramës, “hapja e negociatave është një hap shumë i rëndësishëm për vendin tonë, por në BE janë dy gjëra krejt minore”.

Ai shtoi se, ka qenë plotësimi i parakushteve që ka sjellë rekomandimin për hapjen e negociatave. /CNA.al





Lajmet e fundit nga