E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Dështon Komisioni hetimor parlamentar për Tahirin/ Zbardhet arsyeja

25 Prill 2018, 12:03, Aktualitet CNA

Deputeti demokrat Enkelejd Alibeaj ka dhënë alarmin se kryeministri Edi Rama po bllokon punën Komisionit Parlamentar, të ngritur për çështjen Tahiri.

Sipas Alibeajt me një urdhër të paligjshëm, Rama ka bllokuar DSIK ?n, e cila ka refuzuar t?i pajisë me certifikatë sigurie.

?Me urdhër të paligjshëm ai ka bllokuar Drejtorinë e Sigurimit të Informacionit të Klasifikuar. Kjo drejtori ka refuzuar zyrtarisht pajisjen tonë me certifikatë sigurie. Pengimi punës për komisionin është kriminal , drejtori i DSIK do të mbajë përgjegjësi?, ka thënë Alibeaj.

Sipas tij, DISK është në varësinë direkte të Edi Ramës dhe për pasojë është i njëjti institucion që ka pajisur me certifikatë sigurie Saimir Tahirin,

?DSIK ka dhënë certifikatë sigurie, drejtuesve të lartë të Policisë së Shtetit, atyre që janë sot nën kërkim ndërkombëtare. I bëjmë thirrje Ramës që të heqë dorë nga praktikat e paligjshme të cënimit të punës së komisionit hetimor. Rama nuk e shpëton dot Tahirin?, u shprej më tej Alibeaj./CNA.al

Deklarata e plotë e deputetit Enkelejd Alibeaj, anëtar i komisionit ?Tahiri?

6 jave pas ngritjes së komisionit hetimor ?Tahiri?, nuk është bërë asnjë veprim I rëndësishëm hetimor, sepse puna e anëtareve, përshirë kryetarin, është bllokuar me urdhër të arkitektit dhe përfituesit kryesor të kanabizimit të vendit, kryeministrit Edi Rama.

Me një urdhër të paligjshëm, Edi Rama ka urdhëruar Drejtorinë e Sigurimit të Informacionit të Klasifikuar (DSIK), që të vonojë dhe bllokojë pajisjen me çertifikatë sigurie të deputetëve të opozitës në Komision. Pa asnjë arsye ligjore, Drejtoria, nën varësinë direkte të Ramës, ka refuzuar zyrtarisht edhe pajisjen tonë me çertifikatë provizore sigurie, pavarësisht se kjo është një praktikë normale punë e DSIK-së dhe që jepet brenda ditës?.

Pa çertifikatën e sigurisë, ne nuk mund të shohim dokumentat sekretë që kanë filluar të vijnë nga disa institucione. Pengimi i punës se Komisionit Hetimor është një veprim kriminal, për të cilin Drejtori i DSIK do të mbajë përgjegjesi! Askush nuk mund të pengojë veprimtarinë e Komisionit Hetimor, edhe kur urdhërohet nga Edi Rama apo mbrohet prej tij.

DSIK, nën varësinë e Edi Ramës, është iI njëjti institucion që ka pajisur me çertifikate sigurie brenda ditës Saimir Tahirin, i çertifikuar ndërkombëtarisht për trafik ndërkombëtar droge. Me shumë gjasë, Saimir Tahiri duhet ta ketë akoma të vlefshme çertifikatën e sigurisë dhe, po të ishte anëtar i komisionit, do të shihte dokumentet sekrete që provojnë se ai ka qenë në dijeni, ka ndihmuar, ka bashkëpunuar dhe ka përfituar nga trafiku i drogës, duke e shndërruar policinë në një organizatë kriminale.

DSIK, që po bën kamikazin politik për Edi Ramën kundër opozitës, ka pajisur më çertifkatë sigurie edhe drejtuesit e lartë të Policisë së Shtetit, që sot janë në kërkim ndërkombëtar për të njëjtën vepër ponale si Saimir Tahiri, trafik ndërkombëtar droge.

Partia Demokratike i bën thirrje Edi Ramës të heqë dorë ?nga praktikat e paligjshme të bllokimit të punës së Komisionit Hetimor dhe cënimit të së drejtes kushtetuese të opozitës për kontroll parlamentar!

Edi Rama nuk e shpëton dot Saimir Tahirin! Siç thotë sot gazeta gjermane Die Welt, ?Tahiri është një nga ato raste që prishin dhe përcaktojnë imazhin e Shqipërisë në pjesën tjetër të Europës.?