web counter
LEXO PA REKLAMA!

SHKARKO APP

App Store
Google Play

Vlahutin prezanton për progres-raportin e KE/ Opozita thyen bojkotin e Kuvendit

25 Prill 2018, 09:38, Aktualitet CNA

Partitë opozitare, PD dhe LSI ditën e sotme kanë thyer bojkotin e Kuvendit, ndërsa kanë marrë pjesë në punimet e Komisionit Për Integrimin.

Paraditen e sotme në këtë komision parlamentar të ambasadorja Romana Vlahutin ka prezantuar progress-raportin e KE, ku u dha drita jeshile për çeljen e negociatave të Shqipërisë.

Në fjalën e saj, ambasadorja e BE në Tiranë, Romana Vlahutin theksoi rëndësinë e reformave të cilat sipas saj do luajnë rol në bindjen e vendeve të BE për çeljen e negociatave në muajin qershor.

?Reformat të ruhen e të thellohen. Të shohim çdo të mendojnë shtetet anëtare në qershor për negociatat. Duhet konsensus konkret në veprime dhe jo vetëm në retorikë. Vullneti politik është thelbësor?.- u shpreh Vlahutin.

Duke u ndalur tek reforma në drejtësi dhe vettingu, ambasadorja Vlahutin tha se duhet arritur progres serioz sa i takon dënimit të zyrtarëve të korruptuar.

?Shqipëria ka shënuar progres sa i takon luftës së trafikut të drogës. Ndërsa lufta kundër krimit mbetet sfidë për vendet e Ballkanit Perëndimor. Sa i takon dënimit të zyrtarëve duhet progres serioz. Komisioni Europian vëren padrejtësi ndaj njerëzve sa i takon çështjeve ë pronës. Kjo çështje duhet të ketë një zgjidhje tërësore. Raporti i KE ndalet tek 5 pikat kryesore, por duhet vullnet politik për të ecur përpara në përmbushjen e tyre?, u shpreh ambasadorja Vlahutin.

Ndërsa kreu i komisionit parlamentar të Integrimit, Genc Pollo tha se opozita po lobon për të bindur vendet skeptike për çeljen e negociatave në qershor. Duke i uruar suksese Ramës sot në Gjermani, Pollo kërkoi të ndalojnë sulmet ndaj deputetëve europianë.

Sipas tij, ?Opozita po bën përpjekje për të bindur vendet skeptike. Shpresoj që Rama të ketë sukses sot në Gjermani. Të shmangen sulmet ndaj deputetëve evropianë. Jo sulme për merita e fajtorë?.





Lajmet e fundit nga