web counter
LEXO PA REKLAMA!

SHKARKO APP

App Store
Google Play

"Mungon analiza e zgjedhjeve"/ Ish-deputeti PD-së përgënjeshtron Edith Harxhin

23 Prill 2018, 15:33, Aktualitet CNA

Ish-deputeti i Partisë Demokratike, Fatbardh Kadilli, i ftuar në rubrikën “Opinion” në News24, ka folur për mbledhjen e Këshillit Kombëtar dhe vendimet e marra në të.

I pyetur për mungesën e analizës në PD, për humbjen e zgjedhjeve të 25 qershorit, shqetësim ky i ngritur dhe vënë në dukje nga ish-zv.ministrja e Jashtme, Edith Harxhi, ka thënë se analiza është bërë.

Kadilli ka thënë se vetë zonja Harxhi, në dijeninë e tij nuk është bërë pjesë e procesit të analizës.

“Ne morëm gjërat më të mira nga propozimet e shfaqura në mbledhjen e Këshillit Kombëtar. Sa për mungesën e analizës, e vënë në dukje dhe pjesë e propozimit të zonjës Harxhi dhe Kulliri, mund të them se analiza është bërë.

Unë vetë kam qenë pjesë e grup-seksioneve në pjesën më të madhe të rasteve sidomos në qytetin e Vlorës sepse është qark shumë i madh. Por në dijeninë time unë nuk di që Harxhi të jetë bërë pjesë e procesit të analizës.

Mund të them dhe këtë, që ndërkohë ne bënim analizë na thoshin se shkaqet dihen dhe analiza është e kotë”,- u shpreh Kadilli. /CNA.al





Lajmet e fundit nga