web counter
LEXO PA REKLAMA!

SHKARKO APP

App Store
Google Play

Majlinda Bregu, e para shqiptare në një pozicion të lartë ekzekutiv europian

23 Prill 2018, 13:10, Aktualitet CNA

Ish-ministrja e Integrimit Majlinda Bregu është zgjedhur Sekretare e Përgjithshëm e Këshillit të Bashkëpunimit Rajonal.

Majlinda Bregu do të jetë e para shqiptare në një pozicion të lartë ekzekutiv, institucionin që ka si mision fuqizimin dhe rritjen e bashkëpunimit në vendet e Europës Juglindore!

Lajmi është bërë i ditur nga vetë zonja Bregu, e cila nëpërmjet një postimi në faqen e saj në rrjetet sociale falenderon të gjithë ata që e mbështeten në këtë rrugëtim dhe të gjithë ata që e votuan kandidaturën e saj.

Postimi i plotë:

Fituam!

Unë fitova garën, por fitorja i takon vendit tim!
Faleminderit të gjithëve që besuan dhe më votuan për pozicionin e Sekretarit të Përgjithshëm të Këshillit të Bashkëpunimit Rajonal.

Mirënjohje të gjithëve,vendeve anëtare, institucioneve shqiptare, Komisionit Europian, EEAS( Shërbimi i Jashtëm i BE),Parlamentit Europian, familjes time politike EPP, e mbi të gjitha vendeve që votuan bindshëm kandidaturën time.
U përpoqën të gjithë, me qartësinë se drejtimi prej meje i këtij institucioni do të ishte fitore e Shqipërisë dhe shqiptarëve!
Jam e nderuar sot që për herë të parë më takon mua të drejtoj si e para shqiptare në një pozicion të lartë ekzekutiv, institucionin që ka si mision fuqizimin dhe rritjen e bashkëpunimit në vendet e Europës Juglindore!
Një falenderim miqësor për Ditmirin. Na ndajnë sinoret politike, por na bashkoi qasja Europiane dhe përpjekja për të punuar pro Shqipërisë!

E di që do të jetë një sfidë e vështirë, por nganjëherë e vështira është më e mira!





Lajmet e fundit nga