E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

Akademia e Sigurisë/ Trajnim rajonal për “Kriminalistikën e të Dhënave Live"

21 Prill 2018, 14:18, Kronika CNA

Si pjesë e një projekti të madh rajonal të OSCE-së për ?Forcimin e Kapaciteteve të Profesionistëve të Drejtësisë Penale që Luftojnë Krimin Kibernetik dhe Krimin e Mundësuar nga Kibernetika në Evropën Juglindore?, në Akademinë e Sigurisë në Tiranë u zhvillua trajnimi i tretë për ?Kriminalistikën e të Dhënave Live?.

Në Akademinë e Sigurisë u zhvillua ceremonia e përmbylljes së këtij trajnimi me pjesëmarrjen e zv/kryetarit të prezencës së OSCE-së në Shqipëri z. Robert Wilton, Drejtorit të Departamentit të Policisë Kriminale Eduart Merkaj, Drejtorit të Akademisë së Sigurisë Bilbil Memaj, Drejtuesit të Projektit z. Joachim Ëenz dhe Këshilltares për Asistencën Policore, znj. Mira Xhamallati.

Gjatë ceremonisë u theksua domosdoshmëria e bashkëpunimit dhe e trajnimeve për rritjen e kapaciteteve profesionale për hetimin e krimeve kibernetike.

Bilbil Memaj: “Këto lloj trajnime na interesojnë të gjithëve për të luftuar krimin e organizuar që dihet nga të gjithë që nuk ka kufij që nuk ka shtet, nuk ka fe nuk ka komb. Natyrisht që ne duhet të jemi bashkë për të luftuar krimin e organizuar dhe në këtë prizëm këto lloj kursesh janë dhe të mira për këtë lloj bashkëpunimi që krijohet në këto trajnime”

Eduart Merkaj: “Askush nga agjensitë tona ligjzbatuese nuk mund të punojë e vetme duke parë se krimet kompjuterike nuk njohin kufij, nuk njohin burokracira të natyrave të letrave, atëherë edhe ne si pjestarë të agjensive ligjzbatuese për hetime që mund të kemi të përbashkëta, për njerëz të cilët merren me kriminalitet të natyrës për të cilën ju jeni trajnuar edhe ne të mundohemi ti shmangim sa më shumë këto burokraci dhe të krijojmë ura lidhje sa më të shpejta që dhe hetimet të jenë në një kohë reale.

Këtu janë edhe kolegë të institucioneve të tjera shqiptare të cilët kanë në natyrën e punës së tyre sigurimin e rrjeteve informatike dhe mbase edhe ata mund të jenë pjesë e hetimeve duke na suportuar për raste në vijim.

Unë dua të falënderoj OSCE-në për mundësinë e trajnimit si dhe Drejtorin e Akademisë dhe Akademinë që krijoi mundësinë për zhvillimin e trajnimit, por dua të falënderoj ju që keni bërë një punë mjaft të mirë përsa i përket informacionit që kam marrë unë.

Kërkoj nga ju si kolegë që këto njohuri që përfituat dhe meqënëse do çertifikoheni si trainer/trajnues t’ua përcillni edhe kolegëve të tjerë të cilët do kenë mundësi të trajnohen më vonë”.

Zv/Ambasadori: “Ajo çka po shohim këtu është një aktivitet klasik i OSCE-së.

Ju jeni këtu sepse jeni profesionistë dhe ne jemi një komunitet dhe si komunitet përballemi me kërcënime e probleme të njëjta.

Siç dhe ju e dini më mirë se unë dhe se shumëkush tjetër, ne do mund të përballemi me këto kërcënime si një komunitet i vetëm dhe kjo është ajo çka bën OSCE-ja si organizatë bashkëpunimi si një komunitet i 57 vendeve anëtare”

Gjatë fazave të këtij trajnimi u trajtuan disa tema si:

Trajtimi i provave dixhitale nga reaguesit e parë (personat përgjegjës që arrijnë të parët në vendngjarje apo në arrestimin e një të dyshuari), mbi informacion bazë për Rrjetin e Errët dhe monedhat virtuale, fusha e kriminalistikës së të dhënave live, hetimet kripto-valutave dhe rrjetit të errët, hetimin e softuerëve keqdashës.

Seria e trajnimeve u mbyll me javën e fundit me temë ?Krimi i organizuar ndërkufitar, tiparet dhe dimensionet e krimit modern?.

Projekti është një nismë e përbashkët e Departamentit për Kërcënimet Transnacionale në Sekretariatin e OSCE-së, Prezences së OSCE-së në Shqipëri dhe autoriteteve pritëse përkatëse.

Zbatimin e projektit e drejton Bordi i Koordinimit i cili ka përzgjedhur dhe caktuar pjesëmarrësit për çdo trajnim rajonal.

Ky Bord në vijim, si fazë të dytë të Projektit do të monitorojë dhe do të vlerësojë trajnimet që vetë përfituesit do të zhvillojnë në vendet e tyre gjatë pjesës së dytë të projektit.

Në këto seri trajnimesh marrin pjesë përfaqësues të institucioneve të ndryshme të drejtësisë penale nga Shqipëria, Bosnja-Hercegovina, ish-Republika Jugosllave e Maqedonisë, Mali i Zi dhe Serbia.