web counter
LEXO PA REKLAMA!

SHKARKO APP

Protestat në Kukës/ Apeli vendos sot për 11 të arrestuarit

20 Prill 2018, 06:57, Kronika CNA

Në Gjykatën e Apelit të Shkodrës sot do të shqyrtohen ankimimet e 23 masave të sigurisë të dhëna nga Gjykata e Kukësit për protestuesit e Rrugës së Kombit. Pas protestës së dhunshme të 31 marsit, Policia e Shtetit arrestoi 23 qytetarë kuksianë, ndërkohë që 12 prej tyre u lanë të lirë, ndërsa 11 në qeli, pasi ata u përfshinë në një tubimin kundër tarifës së Rrugës së Kombit.

Avokatët e kanë cilësuar si të padrejtë masën e sigurisë ?arrest me burg? dhe kanë kërkuar ndryshimin e  saj.

Ndërkohë, opozita paralajmëroi ditën e djeshme se do të ishte e pranishme sot në seancën gjyqësore, e cila do të nisë në orën 11:00.

Gjykata e Kukësit la në burg shtetasit, Xhevahir Hereni, Elton Cenku, Florin Onuzi, Shkëlqim Vata, Xhevahir Gashi dhe Elvis Oruçi, Rasim Onuzi, Abdi Haziraj dhe Vasil Laçi, Edmond Matmuja dhe 20 ditë burg për Shpëtim Totën.

Ndërsa vendosi detyrim paraqitjeje për Ahmet Toblin, Lulzim Popën, Saimir Trotën, Lefter Rexhmatin, Adem Durakun dhe Armand Ademin, Ardit Alidinin, Zenel Matmujan, Fatos Harullën, Rasim Koloshin dhe arrest shtëpie për: Shaban Selmanin dhe Shemsi Trotën.





Lajmet e fundit nga