web counter
LEXO PA REKLAMA!

SHKARKO APP

App Store
Google Play

Plas në PD/ Braktiset Këshilli Kombëtar

20 Prill 2018, 18:05, Aktualitet CNA

Ashtu siç CNA.al lajmëroi, mbledhja e Këshillit Kombëtar të Partisë Demokratike është shoqëruar me debate të shumta, pasi Lulzim Basha kishte ardhur me një skenar për të çimentuar postin e tij në krye të PD-së, duke mos lënë të flasin asnjë nga anëtarët.

Një pjesë e madhe e anëtarëve të Këshillit Kombëtar të PD, pasi nuk u lejuan të flasin dhe skenari i Lulzim Bashës i paralajmëruar nga CNA.al u vu në punë, kanë dalë jashtë, duke braktisur punimet e KK.

Me një sjellje si Gramoz Ruçi, Arben Ristani me urdhër të Bashës nuk ka lënë askënd të flas dhe duke ngritur kartonë pro, kundër, abstenim, po kalon Draftstatutin që çimenton Bashën në krye të PD, ndonëse nuk plotësohet kuorumi i 50 % + 1 të votave.

Ndër anëtarët e Këshillit Kombëtar që kanë lënë sallën ku është mbledhur Këshilli, janë: Sherefedin Shehu, Edvin Kulluri, Endira Bushati, Fabian Topollaj, Arben Imami etj., shumë prej tyre pjesë e kritikëve të kryetarit. Pas kësaj Lulzim Basha ka mbetur vetëm me militantët dhe administratën e tij.

Sot Lulzim Basha ka vulosur çarjen e PD me disa ndryshime statutore dhe një skenar që sjell një ndarje të fortë dhe ndoshta më të madhen e PD-së, që nga dita e themelimit të saj. /CNA.al





Lajmet e fundit nga