web counter
LEXO PA REKLAMA!

SHKARKO APP

App Store
Google Play

E fundit!

x

Falimenton Gulf me aksioner offshore/ Disa pika i ble Alpet, amulli me tollonat

20 Prill 2018, 09:34, Ekonomi CNA

?Mirsevini në Sun Petroleum Albania, distributori zyrtar për Gulf Oil International në Ballkan. Ju lutem formoni numrin e brendshëm ose prisni për operatorin?. Është kjo përgjigja që merr sapo formon numrin e telefonit të zyrave qendrore të Gulf në Tiranë.  Pas pesë zilesh sekretaria të njofton se operatori nuk është i disponueshëm dhe të duhet të lesh një mesazh. Me këtë përgjigje do të duhet të përballen edhe ata qindra persona që kanë vërshuar sot në pikat e karburantit të tregtimit me pakicë të Gulf për t?u furnizuar me karburant përmes tollonave të parapaguar.

Amullia me njerëzit nisi mbrëmjen e së mërkurës kur u përhap lajmi kompania ka shpallur falimentin dhe qytetaret nuk kanë mundur të furnizojnë dot automjetet në pikat e pakicës një pjesë e të cilave tashmë kanë ?pronar? të ri. ?Monitor? mësoi se të paktën katër pika dy në Tiranë dhe dy në Durrës tashmë kanë kaluar tek Alpet e cila ka kryer procedurat ligjore dhe ka nënshkruar kontratat për to kurse një pjesë tjetër e pikave po negociohen me kompani të tjera.

?Në pikat e reja të Alpet ka pasur një dyndje të njerëzve që kanë tollona të Gulf dhe gjatë dy ditëve të fundit është dashur që stafi i kompanisë të sqarojë që jemi dy kompani krejt të ndryshme dhe normalisht nuk mund të bëjmë ne furnizimin për tollonat e kompanisë që ka pasur më herët pikën e karburantit. Kjo është një marrëdhënie që ata duhet ta zgjidhin me Gulf? thanë burime zyrtare pranë kompanisë. Të njëjtët konfirmojnë se vetë ish-stafi i Gulf që sot është në pikat Alpet ka pasur vështirësi në komunikim me përfaqësues të kompanisë.

Mbetet e paqartë sesa është sasia e karburantit që është shitur përmes tollonave dhe sesi do të veprohet me to. Referuar burimeve nga tregu kompania ka pasur një shitje masive të kësaj natyre sidomos gjatë javëve të fundit.

Pronarët e Gulf offshore, si u tkurr xhirroja e kompanisë

Kompania Gulf është pjesë e Sun Petroleum Albania regjistruar pranë Qendrës Kombëtare të Biznesit në shtator 2013 në pronësi të shtetasit izraelit Dory Grossman. Në shkurt 2014 ky i fundit ka shitur aksionet për 100 mijë lekë tek një kompani offshore, Universal Energy Group që është akoma e sot aksionerja e vetme. Kompania e shumicës është regjistruar si Sun Petroleum Albania Trading  në Qendrën Kombëtare të Biznesit  në 01.10.2013. Edhe në këtë rast aksioner i saj i vetëm deri në  2015 ka qenë izraeliti, Dory Grossman i cili më pas ka kaluar aksionet tek Universal Energy Group për një vlerë 4 milionë lekë.

Ecuria e treguesve financiarë për vitin 2017 për  Sun Petroleum Albania Trading nuk mund të jepet qartë për aq kohë sa nuk ka një bilanc të publikuar por referuar dy viteve paraardhës xhiroja e saj është tkurrur. Në vitin 2015 ajo regjistroi një xhiro 3.2 miliardë lekë kurse  në 2016 zbriti në 2 miliardë lekë, një rënie 38 për qind e xhiros.

Pakica nga ana tjetër për vitin 2015 ka regjistruar një xhiro 4.8 miliardë lekë, kurse në 2016 3.2 miliardë me një rënie 34 për qind./ Monitor





Lajmet e fundit nga