web counter
LEXO PA REKLAMA!

SHKARKO APP

App Store
Google Play

E fundit!

x

Vendosja e NIPT-it për fermerët/ Basha: Kurth për futjen e tyre në skemën e TVSH-së.

14 Prill 2018, 12:59, Ekonomi CNA

Kryetari i Partisë Demokratike bashkëbisedoi sot me fermerë dhe banorë të njësisë Administrative, Shushicë të Elbasanit.

Fermerët u shprehën kundër vendosjes së TVSH pasi sipas tyre, kjo do t?i rrënojë përfundimisht ndërsa renditen një seri problemesh që kanë dhe që po i detyrojnë të braktisin tokën.

Zoti Basha prezantoi planin e PD për bujqësinë, ndërsa u tha banorëve dhe fermerëve të Shushicës se vendosja e Nipt-it nga e ana e qeverisë ishte karremi për të vendosur TVSH për fermerët.

?Të gjithë fermerët që bëjën një xhiro prej 2 milionë lekë jeni subjekt i TVSH-së,  njësoj si bizneset e tjera të vogla edhe ju, prandaj iu është kërkuar që të futet NIPT, pas NIPT-it do t?ju merret TVSH-ja. Nuk do të ndodhë vetëm me biznesin e vogël, do të ndodhë me këdo që përmbush këto kushte, të bësh mbi 2 milionë lekë xhiro. Prandaj plani për të vënë NIPT-in që pastaj t?ju regjistrojnë dhe t?ju matrikullojnë edhe ju dhe t?ju tatojnë edhe ju, të marrin TVSH-në njësoj siç ia marrin biznesit të vogël?, ka thënë Basha.

Kryetari i PD i garantoi fermerët, jo vetëm të Shushicës por të të gjithë Shqipërisë se PD do të jetë në krah të tyre përballë kësaj mase që ndëshkon fermerët dhe i shërben Edi Ramës me një grusht të vogël oligarkësh.

?Kush po e bën të gjithë këtë gurgule të madhe? Kush është përfituesi i këtij sistemi që vë taksa por nuk jep shërbime? Janë 10 vetë, është Edi Rama me një çetë të vogël kriminelësh dhe oligarkësh. Po mban peng jo vetëm Shushicën dhe Elbasanin, por gjithë shqiptarët. Është e papranueshme 3 milionë njerëz peng i 10 vetave. Duhet të ngriheni të merrni fatin tuaj në duart tuaja. Koha e fjalëve po merr fund, ka marrë fund është koha e veprimeve. Po nuk u çuat, po nuk e kundërshtuat vendosjen e TVSH-së edhe për fermerët me NIPT që kanë xhiron mbi 2 milionë lekë nesër siç e tha Rexhepi do të vijë t?ju marrin tokën. E keqja nuk di të ndalet po nuk e ndalëm të gjithë bashkë. Po të ngriheni të gjithë bashkë nuk ka forcë mbi tokë t?ju ndalojë. Nuk ka qeveri sado të korruptuar, sado kriminale, sado bandite, t?i bëjë ballë popullit, fermerëve, kur janë të gjithë të bashkuar?, ka thënë më tej Basha./CNA.al

 

 





Lajmet e fundit nga