web counter
LEXO PA REKLAMA!

SHKARKO APP

App Store
Google Play

E fundit!

x

Aplikimi i TVSH-së/ Ahmetaj publikon vendimin e qeverisë Berisha

10 Prill 2018, 09:01, Ekonomi CNA

Në një konferencë për shtyp të zhvilluar paraditen e sotme, ministri i Financave dhe Ekonomisë, Arben Ahmetaj sqaroi sot biznesin e vogël për skemën e TVSH-së.

Në deklaratën e tij ai hodhi poshtë të gjitha pretendimet e opozitës.

Sipas ministrit, ata që sot në Shqipëri kanë një biznes të vogël duhet të rrinë të qetë, pasi që nga 1 Prilli nuk ka rritje të çmimit. Ai publikoi edhe një vendim të qeverisë Berisha të vitit 2009, i cili parashikonte uljen e pragut të deklarimit të TVSH nga 8 milion në 5.

?Ju ftoj të jepni një çmim të rritur në dyqanet e lagjeve apo në supermarketet e mëdha që nga 1 prilli. Ajo që kemi thënë, që s?ka rritje çmimesh është fakt, do jetë fakt në vazhdimësi. Përkundrazi inflacioni do të lëvizë në nivelet midis 1.2 dhe 2,4 % brenda parametrave që kemi parashikuar?,- tha ministri Ahmetaj.

?Do bëj kronologji për të treguar me gisht gënjeshtarët, një grup i vogël biznesësh, se shqiptarët nuk janë budallenj. Kam një vendim të Këshillit të Ministrave të datës 29.09.2009 të bërë nga Berisha të firmosur nga Bode, ky vendim ka ulur pragun nga 8 në 5. Nuk po e komentoj nëse ka qënë e duhur apo jo. Vendimi i qeverisë është bërë nga ata që sot bëjnë sikur qajnë për biznesin e vogël. Numri i sipërmarrjeve që do të detyrohen të deklarojnë nga 2 deri në 5 milion është 9900 sipërmarrje të vogla, nën 2 milion janë 60 mijë sipërmarrje të vogla. Ftohen në bazë të vetëdeklarimit?- tha ai më tej./ CNA.al





Lajmet e fundit nga