E fundit!

12:33 Aktualitet

Përfundojnë homazhet për Enea Mekollin/ Trupi i efektivit përcillet për në banesën e fundit

Kanë përfunduar homazhet për efektivin e policisë, Enea Me...

Skema e TVSH-së/ Ahmetaj informon biznesin: Nuk ka çmime të rritura

10 Prill 2018, 08:40, Ekonomi CNA

Ministri i Financave dhe Ekonomisë, Arben Ahmetaj në një deklaratë për mediat paraditen e sotme ka informuar qytetarët dhe biznesin e vogël se çfarë ndikimi ka dhe cili është qëllimi i përfshirjes së biznesit të vogël në skemën e TVSH-së.

Ahmetaj tha se deklaratat e opozitës për rritje çmimesh janë gënjeshtra. Sipas ministrit Ahmetaj TVSh-ja ka qënë dhe do mbetet në çmimin final të çdo produkti apo shërbimi të formalizuar.

Sipas ministrit, ata që sot në Shqipëri kanë një biznes të vogël duhet të rrinë të qetë, pasi që nga 1 Prilli nuk ka rritje të çmimit.

?Ju ftoj të jepni një çmim të rritur në dyqanet e lagjeve apo në supermarketet e mëdha që nga 1 prilli. Ajo që kemi thënë, që s?ka rritje çmimesh është fakt, do jetë fakt në vazhdimësi. Përkundrazi inflacioni do të lëvizë në nivelet midis 1.2 dhe 2,4 % brenda parametrave që kemi parashikuar?,- tha ai.

Gjithashtu ai tha se ?Fokusi është tek biznesi i madh. Nuk është qëllimi të biznesi i vogël, i cili do vazhdojë të ketë një kontribut modest në buxhetin e shtetit dhe siç e theksova 56% e sipërmarrjes do vazhdojë të ngelet jashtë detyrimit për deklarim.?

Ministri theksoi se vendosja e biznesit të vogël në skemën e TVSh-së është në shërbim të kontrollit më të mirë të biznesit të madh.

Ndër të tjera, Ahmetaj tha se taksa për biznesin e vogël do të vijojë të mbetet zero. ?Iniciativa për të bërë taksën e biznesit të vogël zero është praktikë e konsoliduar dhe është shoqëruar me krijim të bizneseve të vogla.?- u shpreh Ahmetaj.

Po ashtu ministri Ahmetaj theksoi se nuk do të ketë asnjë gjobë për deklarim të gabuar kundrejt biznesit të vogël. ?Nuk do ketë gjoba për vetëdeklarim të gabuar të biznesit të vogël deri me datë 31.12.2018. Jam në dispozicion të cdo sipërmarrësi, cdo gjobë për deklarim të gabuar do të hiqet .

Është një hap normal i shoqëruar me informacion. Në muajt që vinë do vijmë në cdo derë tuajen për tju informuar. Secili është i lirë të hapë dhe mbyllë qepenat, por vazhdoni punën për të mirën e familjes tuaj?- tha Ahmetaj.