E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandali me lejet e drejtimit/ Reagon Drejtoria e Përgjithshme e Patentave

19 Prill 2018, 11:24, Aktualitet CNA

Pas dhjetra denoncimeve të mbërritura në redaksi, CNA.al, ka publikuar skandalin mungesës së kartonave për pajisjen me lejedrejtimi

Kur kanë kaluar rreth katër muaj, për qytetarët shqiptarë, të cilët duhet të pajisen me patenta, situata ka mbetur e njëjtë. Të paktën sipas denoncimeve që kanë mbërritur në redaksinë e CNA.al.

Një situatë e tillë, sipas qytetarëve ka prodhuar edhe korrupsion, pasi për të siguruar një patentë janë detyruar të paguajnë nën dorë rreth 100 apo 200 euro.

Shkak për këtë kaos është bërë procedura tenderuese. Pasi është shpallur tenderi fitues, ka pasur kontestime dhe në këtë mënyrë çështja ka kaluar në rrugë gjyqësore. Ndërkohë qytetarët kanë mbetur pa patenta.

CNA.al, është interesuar pranë Drejtoria e Përgjithshme e Shërbimeve të Transportit Rrugor, për të sqaruar këtë kaos. DPSHTTR, ka pranuar se ka patur vonesë në dhënien e patentave.

Sipas drejtuesit të këtij institucioni Arben Isaraj, Drejtoria e Përgjithshme Transportit Rrugor i ka pajisur të gjithë qytetarët me kopje përmbledhëse të dokumentit, e cila i jep të drejtën drejtuesve të mjeteve për të qarkulluar për një afat maksimal prej 30 ditësh.

?DPSHTTR në cilësinë autoritetit kontraktor, me datë 22 .01.2018 ka çelur procedurën elektronike të prokurorimit me objekt ?Blerje prokat leje drejtimi?.

Për këtë objekt prokurimi kanë shfaqur interesa katër operatorë ekonomik. Aktualisht është shpallur fituesi në APP dhe jemi në pritje të nënshkrimit të kontratës.

Numri i aplikimeve për leje drejtimi, në mesatare shkon rreth 700 aplikime në ditë. Pavarësisht vonesave me kartonin e leje-drejtimit, Drejtoria e Përgjithshme e Transportit Rrugor i ka pajisur të gjithë qytetarët me kopje përmbledhëse të dokumentit, e cila i jep të drejtën drejtuesve të mjeteve për të qarkulluar për një afat maksimal prej 30 ditësh?, thuhet në përgjigjen zyrtare të Drejtorisë së Përgjithshme të Rrugëve./CNA.al

Skandali/ Kaos dhe korrupsion për patentat