E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Zbardhet raporti/ Prokuroria nuk ka hetuar krimet elektorale

19 Prill 2018, 07:51, Aktualitet CNA

Në kuadër të rolit të vet si anëtari Dhomës Zgjedhore dhe angazhimeve të marra përsipër, INFOCIP ka monitoruar situatën e krimit zgjedhor në Zgjedhjet Parlamentare të mbajtura në 25 Qershor 2017.

Duke përdorur të dhënat e përftuara nga një triangulim burimesh është përgatitur një raport që jep një fotografi të situatës së krimit zgjedhor. Raporti vlerëson një periudhë 12 mujore, e cila mbulon fushatën e zgjedhore (ditën e votimi, periudhën e numërimit të votave dhe shpalljes së rezultateve zgjedhore) si gjithë periudhën post-zgjedhore (pas Korrikut 2017) që administroi kallëzimet, hetimet dhe eventualisht referimet në Gjykatë të veprave penale të parashikuara nga Kreu X i Kodit Penal të Ndryshuar.

Sipas të dhënave të disponuar nga INFOCIP, nga 92 persona të hetuar nga organi i Prokurorisë gjatë vitit 2017 për vepra penale që prekin zgjedhjet e lira dhe sistemin demokratik të zgjedhjeve, vetëm 7 prej tyre janë dërguar për gjykim në sistemin e gjykatave të zakonshme në vend.

Madje, në raport organizatat kanë shpërthyer në kritika ndaj rolit të prokurorisë sa i takon krimeve elektorale të ndodhura gjatë zgjedhjeve parlamentare të vitit 2017, duke theksuar se institucioni i akuzës, i cili asokohe drejtohej nga ish-kryeprokurori i Përgjithshëm, Adriatik Llalla ka qëndruar indifferent, shkruan gazeta Sot.

?Sipas të dhënave të disponuar nga INFOCIP, nga 92 persona të hetuar nga organi i Prokurorisë gjatë vitit 2017 për vepra penale që prekin zgjedhjet e lira dhe sistemin demokratik të zgjedhjeve, vetëm 7 prej tyre janë dërguar për gjykim në sistemin e gjykatave të zakonshme në vend.

Kjo përbën rreth 7% të totalit të personave të proceduar nga organi i akuzës. Për shkak të sistemit jo-koherent të marrjes së të dhënave nga Prokuroria e Përgjithshme, shifra mund të jetë më e vogël se realiteti. Në çdo rast, ajo flet për një punë të dobët të bërë nga organi i akuzës, i cili në këtë kohë është drejtuar nga ish-krye-Prokurori Adriatik Llalla?, thuhet në raport.

Po ashtu, organizatat duke iu referuat edhe të dhënave të prokurorisë, theksojnë faktin se veprat penale të regjistruar në këtë institucion nuk janë referuar në gjykata ose janë pushuar si çështje.