web counter
LEXO PA REKLAMA!

SHKARKO APP

App Store
Google Play

Monika Kryemadhit i ikën një deputet

19 Prill 2018, 10:43, Aktualitet CNA

CNA.al pak kohë më parë ka paralajmëruar se tre deputetë të LSI pritet të braktisin këtë forcë politike. Ashtu sic u paralajmërua, sot një ndër deputetët e LSI, Robert Bitri në kundërshtim me urdhërin e Kryemadhit për të braktisur punimet e Kuvendit ka qëndruar në sallë.

Opozita ka braktisur sot punimet e Kuvendit, por i vetmi që ka qëndruar në sallë është deputeti i LSI, Robert Bitri, duke bërë kështu aktin e dytë demonstrativ kundër Kryemadhit.

Në të paktën dy raste deputeti Bitri ka kundërshtuar vendimet e grupit parlamentar të LSI-së, sot ka qëndruar në parlament ndërsa edhe më parë ka marrë pjesë në komisionet parlamentare, pavarësisht vendimit të grupit parlamentar për ti bojkotuar në kuadër të mosbindjes civile.

Deputeti Bitri gjithashtu ka marrë pjesë edhe pak ditë më parë në Komisionin Parlamentar të Veprimtarisë Prodhuese, në kundërshtim me vendimin e kryetares së LSI.

Në një prononcim të shkurtër për mediat jashtë sallës së parlamentit, sot Bitri tha se ?Qëndrimi im sot në parlament ishte sepse ashtu e mendova. Nuk kam ndërmend të kaloj në PS, por gjithsesi nuk i trembem asnjë vendimi të grupit parlamentar?.

Pavarësisht se Bitri thotë se nuk do të kalojë në PS, veprimet dhe aktet e tij politike tregojnë se ai tashmë e ka braktisur Lëvizjen Socialiste për Integrim./ CNA.al

Ekskluzive/ LSI-së i ikin deputetët tek PS

Kush janë tre deputetët e LSI-së që ikin me Ramën?  





Lajmet e fundit nga