web counter
LEXO PA REKLAMA!

SHKARKO APP

App Store
Google Play

E fundit!

x

Thellohen hetimet ndaj ish-Kryeprokurorit/ Pritet  arrestimi i Adriatik Llallës

15 Prill 2018, 13:05, Aktualitet CNA

Ish-kryeprokurori Adriatik Llalla pritet të arrestohet nga momenti në moment.

Konfimimi vjen nga burime për CNA.al nga Prokuroria e Durrësit . Të njëjtat burime saktësuan se ndaj Llallës rëndojnë disa akuza dhe hetimet pritet të thellohen.

Çështja penale kundër ish-kryeprokurorit Adriatik Llalla  ka nisur një muaj më parë nga Prokuroria e Durrësit në lidhje me 4 akuza.

Llalla akuzohet për  mosdeklarimin, fshehjen ose deklarimi i rremë të pasurisë, mosdeklarimit të shumave të të hollave ne kufi, pastrimit i produkteve të veprës penale, si dhe shpërdorim detyre.

Ndër katër akuzat bie në sy ajo e kalimit në kufi të shumave monetare më shumë sesa e lejon ligji.

Aktualisht çdo shtetas duhet të deklarojë nëse ka me vete mbi 10 mijë euro, e në rastin në fjalë duket se Llalla ka patur më shumë se kaq. Por nuk dihet ende zbulimi i kësaj shkeljeje, është bërë në Shqipëri apo në pikat kufitare të ndonjë shteti të huaj.

Llalla po ashtu është akuzuar edhe publikisht për pasuritë e shumta të krijuara në një kohë të shkurtër si dhe për transaksionet që ka kryer duke rritur vlerën e tyre: një mekanizëm ky i njohur në skemat e pastrimit të parave.





Lajmet e fundit nga