web counter
LEXO PA REKLAMA!

SHKARKO APP

App Store
Google Play

E fundit!

x

Përpiqej të trafikonte armë drejt Kosovës/ Pranga 44-vjeçarit

15 Prill 2018, 17:30, Aktualitet CNA

Policia Kufitare godet një rast të trafikimit të armëve të zjarrit, duke arritur të vërë në pranga një 44-vjeçar nga Kosova.  Policia bën me dije se është arrestuar në kushtet e flagrancës shtetasi Hamdi Mavriqi, ndërsa janë sekuestruar 3 armë zjarri pistoletë, tip “Glock” dhe 25 fishekë.

Njoftimi i policisë:

Tenton të trafikojë armë zjarri nga Kosova për Shqipëri, arrestohet në flagrancë nga Policia Kufitare në Morinë 44 vjeçari kosovar.

Sekuestrohen 3 armë zjarri Pistoletë, tip “Glock” si dhe 25 fishekë luftarakë.

Shërbimet e Policisë Kufitare Morinë, në zbatim të planit të masave për parandalimin dhe goditjen e trafiqeve të paligjshme, si dhe vënie para përgjegjësisë ligjore të autorëve, arrestuan në flagrancë shtetasin kosovar;

-Hamdi Mavriqi, 44 vjeç, banues në Prishtinë, Kosovë.

Ky shtetas u paraqit në sportelin në hyrje të P.P.K.Morinë, i cili udhëtonte me mjetin e tij tip ?Seat?, dhe u përzgjodh nga shërbimet e Policisë Kufitare, për kontroll më të detajuar në vijën e dytë.

Gjatë kontrollit fizik, poshtë xhupit ju gjetën dhe sekuestruan në cilësinë e provës materiale , 3 armë zjarri Pistoletë, tip “Glock”, 25 fishekë.

Armët e zjarrit, municioni luftarak si dhe automjeti u sekuestruan në cilësinë e provës materiale.

Vijon puna për identifikimin e autorëve të tjerë të implikuar.

Materialet në ngarkim të shtetasit Hamdi Mavriqi, i kaluan Prokurorisë së Rrethit Gjyqësor Kukës, për veprën penale “Trafikimi i armëve dhe i municionit”, parashikuar nga neni 278/a i Kodit Penal.





Lajmet e fundit nga