Zbardhet raporti/ Universitetet publike më shumë para për zyrat se për shkencën

16 Prill 2018, 06:53, Aktualitet CNA

Qëndresa Qytetare ka realizuar një monitorim të financave në tre universitete publike. Nga gjetjet e raportit rezultoi se këto universitete janë më larg shkencës dhe më pranë luksit të zyrave, pasi nuk kanë shpenzuar asnjë vlerë për nënkategorinë studime dhe kërkime përgjatë periudhës shtator 2017 ? Prill 2018.

15.000.000 lekë ka shpenzuar Universiteti ?Aleksandër Mosiu? për pajisje zyrash për titullarët dhe 39.268.777 lekë ka shpenzuar Universiteti i Tiranës për likuidime të punonjësve të hequr padrejtësisht nga puna për faj të titullarëve.

0 lek për bursa për studentët e UT, 0 lek studime dhe kërkime per të tre universitetet e monitoruara u shpreh përfaqësuesja e Qëndresës, Amina Sinaj. “Ne i paguajmë tarifat tona deri në 1500 euro për të shtuar shërbimet në auditore, jo për të shtuar shërbëtorët dhe pasuruar klientët e drejtuesve të universiteteve”- theksoi ajo.

Ky fakt tregon se kemi universitete të pasura, por administratorë që nuk e duan arsimin.

Qëndresa denoncoi sot, një abuzim tjetër që vjen nga Universiteti i Elbasanit ku janë kryer një mori transaksionesh me vlerë 152,707,601 lekë për pagën bazë kundrejt një individi me inicialet F. Q, pra rreth 90% të vlerës totale të shpenzimeve për paga bazë.

Po nga i njëjti universitet vjen absurdi tjetër, ndërkohë që studentët presin t?ju ofrohet internet falas nga super tarifat që paguajnë, nëpërmjet një transferte 3.2 milion lekë të vjetra U. ?A.Xhuvani? paguan abonimin për kartë TV. Kjo vlerë nuk përkon me vlerat reale të tregut të operatorëve dixhitalë dhe ky transaksion është kategorizuar në një kategori jopërfshirëse sic është ajo e pulikimeve.

Nga monitorimi rezulton se Universiteti i Elbasanit dhe ai i Durësit kanë paguar për 7 muaj nga 100 deri në 140 milion lekë të vjetra për sigurinë e godinave të universiteve. Edhe prej ari të ishin godinat tona, do të paguhej më pak, jo më që kemi të bëjmë me disa ndërtesa të vjetëruara dhe pa shumë kushte, por ama këto kushte sigurohen shtrenjtë u shprehën përfaqësuesit e Qëndresës Qytetare.

Të gjitha këto për kanë një arsye, ose ka paaftësi, ose ka papërgjegjshmëri ose ka korrupsion tek drejtuesit dhe administratorët e universiteteve. Të treja arsyet i dënon ligji, prandaj i bëjmë thirrje Kontrollit të Lartë të Shtetit të vihet ne lëvizje për të zbardhur këto anomali dhe absurditete që shfaqin institucionet e arsimit të lartë nëpërmjet veprimeve të tyre financiare.

Ky monitorim u realizua nëpërmjet analizimit të të dhënave të publikuara nga Thesari i Shtetit, të marra nga 20 kërkesat për informacion drejtuar universiteteve dhe vëzhgimit të faqeve zyrtare të universiteteve publike.

Bashkelidhur raporti i plote dhe deklarata e perfaqesueses te Qendreses:

Raport i Monitorimit & Transparences Financiare te universiteteve