web counter
LEXO PA REKLAMA!

SHKARKO APP

App Store
Google Play

E fundit!

x

Ministri Klosi apel biznesit/ Të përfshihet në aksionin “Java e Tokës”

12 Prill 2018, 11:50, Sociale CNA

Paketë fiskale dhe politika të reja mbështetëse për agroturizmin po miratohen nga Ministria e Turizmit dhe Mjedisit. Kreu i këtij institucioni, Blendi Klosi e ndau këtë zhvillim në tryezën e rrumbullakët me sipërmarrësit në fushën e turizmit, organizuar nga BERZH me praninë edhe të kreut të delegacionit të  BE-së  në Tiranë, Romana Vllahutin.  Ministri Klosi shprehu bindjen se politikat e reja për nxitjen e agroturizmit janë një mundësi e artë për të zhvilluar turizmin e rritjen e  kapaciteteve 100% shqiptare.

Ministri Klosi tha se sfida e këtij sezoni turistik është e madhe pasi një numër më i lartë turistësh kërkon më shumë përgjegjësi dhe cilësi. Kjo përpjekje do të jetë e sukseshme nëse merren vendime dhe investime në kohezion me të gjithë partnerët dhe biznesin. Por përpjekja në fushën e turizmit nuk mund të jetë e vecuar nga përpjekja për një mjedis të pastër. Ministri Klosi kërkoi nga biznesi dhe partnerët përfshirjen në  aksionin më të ri të pastrimit, ?Java e Tokës? për të siguruar bregdet dhe lumenj të pastër në kuadër të sezonit të ri turistik.

Duke folur për projektin ?Smile Albania? ministri Klosi tha se  projekti i punësimit të 1 mijë të rinjve do të ofrojë në çdo cep të Shqipërisë në çdo port apo aeroport, në çdo pikë të zhvillimit turistik promovim të arsyeve pse Shqipëria do të duhet të buzëqeshë gjatë sezonit turistik.

Ndërsa kreu i delegacionit të BE-së, Vllahutin theksoi disa nga problematikat e turizmit shqiptar duke shtuar se ndonëse vendi ynë rrethohet nga shtete që kanë tashmë një turizëm të zhvilluar, ka të gjitha mundësitë për tu shndërruar në një destinacion europian. Vllahutin dhe drejtori  i BERZH garantuan mbështetjen tyre për bizneset që synojnë modele autentike turizmi.





Lajmet e fundit nga