web counter
LEXO PA REKLAMA!

SHKARKO APP

App Store
Google Play

Paralajmëron ministri Klosi: Asnjë biznes nuk do të tolerohet për…

7 Prill 2018, 14:21, Sociale CNA

Asnjë biznes që shkakton ndotje akustike nuk do të tolerohet. Ministri i Turizmit dhe Mjedisit i ka bërë apel bashkive që brenda muajit prill të kenë përcaktuar zonat dhe fashat e orarit ku do të lejohet dhe ku nuk do të lejohet muzika.  Apeli,  gjatë forumit me kryetarë bashkish dhe përfaqësues të pushtetit lokal mbajtur në Panairin Mesdhetar të Turizmit në Tiranë.

Ministri Klosi theksoi se do të fillojë inspektimet nga bashkitë me sezon më të ngarkuar turistik me qëllim verifikimin e situatës në vend. ?I bëj thirrje të gjithë kryetarëve të bashkive, në mënyrë transparente, ta komunikojnë këtë gjatë gjithë muajit prill dhe maj me çdonjërin biznes që të orientojë dhe të mendojë planbiznesin e tij që ky do të jetë një rregull i cili nuk do të tolerohet që të shkelet?- tha ministri.

Të njëjtën masë ministri e kërkoi nga kryebashkiakët edhe për mjetet lundruese në det, ku theksoi përcaktimin e qartë të zonave ku mund të lejohen mjetet e shpejtësisë. Ministri Klosi kërkoi gjithashtu nga bashkitë që të marrin masat për sigurinë në plazhe ku bizneset duhet të kenë patjeter një person të licencuar për të dhënë ndihmën e parë. Hedhja e mbeturinave dhe higjena është gjithashtu një shqetësim për të cilin kreu i turizmit dhe mjedisit u kërkoi të gjitha inspektoriateve dhe institucioneve të tjera përgjegjëse që të marrin masa dhe të mos tolerojnë asnjë veprim kundër ligjit.

Ministri Klosi kërkoi gjithashtu një bashkërendim me pushtetin lokal për projekitn ?Smile Albania? nëpërmjet të cilit do të punësohen 1 mijë të rinj dhe të reja që do të shërbejnë në të gjitha pikat kyce të turizmit për mirëpritur dhe informuar turistët e huaj në Shqipëri.





Lajmet e fundit nga