Denoncimi i studentëve/ Reagon Fakulteti i Shkencave të Natyrës

31 Mars 2018, 16:35, Sociale CNA

Fakulteti i Shkencave të Natyrës, nëpërmjet një deklarate për mediat ka reaguar pas hapjes së një banderole nga studentët, në dritaret e godinës së Universitetit të Shkencave të Natyrës, për të treguar se aty kishte pedagogë që merrnin 700 euro për një provim.

FSHN thekson se ?Mënyra dhe forma e shprehjes së të tilla fenomeneve nuk është aspak e pranueshme dhe as demokratike, dhe për më tepër të dënueshme.?

FSHN shprehet se nuk mund të heshtin ndaj cënimit të dinjitetit të institucionit dhe stafit akademik, ndërsa fton studentët për të denoncuar me fakte pranë organeve kompetente çdo rast abuziv dhe në kundërshtim me ligjin.

Gjithashtu FSHN thotë se dënon me forcë të gjithë ato fenomene që cenojnë rëndë normat e moralit dhe në kundërshtim me ligjet në fuqi.

Reagim i FSHN

Duke marrë shkas nga prononcimet në rrjetet sociale të një grupi studentësh, por edhe nga disa portale, në lidhje me fenomenin e mitmarrjes nga pedagogë të FSHN, ndjejmë detyrimin moral dhe ligjor për t?u distancuar nga akuza të tilla. Mënyra dhe forma e shprehjes së të tilla fenomeneve nuk është aspak e pranueshme dhe as demokratike, dhe për më tepër të dënueshme.

Shprehim vullnetin e qartë për të bashkëkoordinuar dhe ndihmuar të gjithë ata që duan të kontribuojnë në mos shfaqjen e asnjë fenomeni negativ në mjediset universitare. Dënojmë me forcë të gjithë ato fenomene që cenojnë rëndë normat e moralit dhe në kundërshtim me ligjet në fuqi.

Gjithsesi, nuk mund të heshtim ndaj cënimit të dinjitetit të instucionit dhe stafit akademik.

Duke shprehur gatishmerinë tonë në luftimin e çdo fenomeni negativ apo presioni ndaj studentëve me kembim notën, ftojmë këdo, individ, grupim studentor, forum apo çdo lloj organizimi për të denoncuar me fakte pranë organeve kompetente çdo rast abuziv dhe në kundërshtim me ligjin. Kjo do të ishte forma dhe rruga më e drejtë. Kushdo që tenton të abuzojë me pozicionin e punës, postin apo detyrën duhet të mbajë përgjegjësi përpara ligjit./ CNA.al

Video-?Ka mundësi ta heqësh atë celular. Mos më filmo mua”/ Pas denoncimit, studentët përballen me ?shefen? e universitetit