E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Rinisja e vetingut fut në telashe Adriatik Llallën/ Hapen provat kundër ish-kryeprokurorit

11 Prill 2018, 10:38, Aktualitet CNA

Komisioni i Pavarur i Kualifikimit i ka dorëzuar dosjen e plotë të Llallës Kolegjit të Apelimit pas vendimit për të regjistruar çështjen. Tanimë KPA do të verifikojë të gjithë dosjen e ish-kryeprokurorit gjatë kohës që ky i fundit ishte në proces vetingu.

Por duhet theksuar fakti se në fokus të Kolegjit të Apelimit do të jetë vendimi që mori KPK pak kohë më parë për t?i ndërprerë procesin e rivlerësimit Adriatik Llallës. Ish-kreu i organit të akuzës iu drejtua me një letër para pak kohësh Presidentit të Republikës, Ilir Meta, ku e vinte në dijeni të faktit se ishte dorëhequr nga sistemi i drejtësisë dhe për këtë arsye kërkonte edhe ndërprerjen e vetingut.

Vetëm pak ditë më pas, pasi mori në shqyrtim kërkesën e Llallës, Komisioni i Pavarur i Kualifikimit vendosi që të ndërpriste vetingun për të. Por Komisioneri Publik iu drejtua me një shkresë para disa ditësh Kolegjit të Apelimit dhe ky i fundit mori në shqyrtim çështjen. Tashmë, KPA ka në ?zotërim? dosjen e Llallës dhe do të verifikojë nëse vendimi i KPK për të ndalur vetingun për të është i rregullt apo jo, shkruan ?Sot?.

Mirëpo gjatë procesit të verifikimit nga ana e KPA mund të ndizen edhe debate për vendimin e marrë nga komisioni i vetingut. KPK e ndërpreu procesin e vlerësimit për Llallën duke përdorur 3 argumente kyçe. Sipas tij, është Kushtetuta e para që i jep të drejtën e dorëheqjes, më pas ligji dhe në fund një vendim i Gjykatës Kushtetuese.

?Procesi i rivlerësimit ndaj subjektit të rivlerësimit, Z. Adriatik Llalla, ka filluar në respektim të nenit 179/b, pika 3, të Kushtetutës së Republikës së Shqipërisë dhe të nenit 4, pika 4, të ligjit nr. 84/2016 ?Për rivlerësimin kalimtar të gjyqtarëve dhe prokurorëve në Republikën e Shqipërisë?.

Me përfundimin e mandatit të subjektit të rivlerësimit si Prokuror i Përgjithshëm, në bazë të Kushtetutës së Republikës së Shqipërisë, konkretisht pikës 5 të nenit 148/a, ai emërohet në detyrën e mëparshme ose gjyqtar në Gjykatën e Apelit vetëm me një kërkesë të tij. Në këto kushte, pavarësisht përfundimit të mandatit të tij kushtetues si Prokuror i Përgjithshëm, procesi i rivlerësimit ndaj tij ka vazhduar nga ana e Komisionit të Pavarur të kualifikimit, sepse e vetmja mënyrë për ndërprerjen e këtij procesi, që parashikon legjislacioni shqiptar, është dorëheqja?, thuhet në vendim.

Por pikërisht vendimi i Gjykatës Kushtetuese mund të shkaktojë debate. Para pak kohësh gjyqtarët u bënë bashkë për të ankimuar ligjin e vetingut. Gjykata Kushtetuese në atë kohë mori vendimin që çdo person mund të dorëhiqet në çdo kohë dhe jo 3 muaj para se të hyjë në fuqi ligji i vetingut, sikurse ishte parashikuar tek ky i fundit, dhe në këtë rast i ndërpritet procesi i rivlerësimit. Mirëpo ky vendim në fund ra sepse nuk u siguruan votat e nevojshme.

Rinisje vetingu për Llallën

Duke qenë se KPK e ka mbështetur vendimin e saj për Llallën tek vendimi i Kushtetueses, një gjë e tillë mund të shkaktojë debat dhe mund të bëjë që Kolegji i Posaçëm i Apelimit të hedhë poshtë vendimin e KPK, duke u bazuar tek ligji në fuqi i vetingut. Në këto kushte, në rast se rrëzohet vendimi i komisionit të vetingut, atëherë ish-kryeprokurori do të gjendej në telashe të mëdha sepse për të do të rihapej dhe do të riniste procesi i rivlerësimit.