Xhafaj ministri i krimit/ Shqipëria nën pushtetin e vrasjeve

11 Prill 2018, 09:09, Aktualitet CNA

Situata kriminale në Shqipëri është jashtë kontrollit. Krimet e rënda që kanë pushtuar vendin, faktojnë dështimin e Ministrit të Brendshëm Fatmir Xhafaj.

Vetëm brenda një jave, tre krime të rënda kanë tronditur mbarë opinionin publik.

Situata kulmoi me atentatin mafioz mbrëmjen e kaluar ndaj një 28 vjeçari në mes të Tiranës.

Fatmir Xhafaj, juristi i para viteve 1990, i akuzuar shpesh nga Opozita se ka keqtrajtuar dhe urdhëruar burgime politike gjatë kohës kur ushtronte detyrën si prokuror në Krujë, ndërkohë që krimet lulëzojnë, hesht.

Nëse lexojmë deklaratat e Xhafajt, grupet kriminale po shkatërrohen çdo ditë më shumë, ndërkohë që vërteta është ndryshe.

Xhafaj ka deklaruar se nga 40 grupe kriminale, që veprojnë në vendin tonë, 7 prej tyre janë shkatërruar.

?Nga 40 grupe kriminale, deri tani kemi shkatërruar 7 grupe. Ata janë pas hekurave. Qytetet ku ka prezencë më të madhe të këtyre grupeve janë Tirana, Vlora, Durrësi, Shkodra, Lezha, Fieri dhe Elbasani. Këto janë qytetet që kanë grupe kriminale aktive?, kaë thënë Xhafaj në një intervistë për mediat.

Në fakt çdo grup që kapet dhe çdo rast që zbulohet, siç është rasti i rrjetit të trafikimit të paligjshëm të gati 1 mijë shqiptarëve drejt Anglisë, SHBA-ve dhe Kanadasë, Xhafaj i fut tek grupet që i di ai, por në fakt s?kanë asnjë lidhje,

Kështu, ministri i Twitterit, pa frikë mund të radhitet në kategorinë e ministrave të dështuar.

Në kulmin e dështimit për të larguar vëmendjen merr guximin dhe i bën presion prokurorisë, që gjoja të hetohet për akuzat që Opozita lakon ndaj tij.

Ndërkohë që Xhafaj, duhet të mbajë përgjegjësi për dështimet e përditshme në luftën krimit.

Siguria dhe rendi, janë në pikëpyetje në mbarë vendin. Qytetarët e kanë jetën të pasigurtë, por kjo pa siguri nuk depërton deri tek zyra e Ministrit Xhafaj.

Mbrëmë Tirana dhe mbarë opinion publik u trondit nga një vrasje mafioze, duke treguar kështu se sa e brishtë është siguria në vendin tonë.

28 vjeçari Marjo Majollari, u qëllua me armë zjarri, pranë banesës së tij, në zonën e Kinostudios në Tirane.

Policia njoftoi se viktima ishte qëlluar disa herë nga autorët në distancë të afërt.

Pak ditë më parë, me 6 prill 2018, një 25-vjeçar u vra, me armë zjarri në Tropojë.

Më 4 prill Rehovë të Skraparit, breshëri plumbash u derdhën mbi ish-kryeplakun e fshatit B, 60 vjeç, i cili disa orë më pas humbi jetën.

Xhafaj ?i mbytur? nga krimet

Më 23 Shtator 2017 xhaxhai vrau nipin. Bujar Kuçi, 62-vjeç nga Shkodra goditi disa herë me thikë nipin e tij Mirsad Kuçi.

Më 24 Shtator 2017 Bashkim Mekolli nga fshati i Blacë i Pogradecit vrau gruan.

Pasditen e 11 tetorit 2017 dy të rinj humbën jetën në një atentat në Lushnje, Jurgen Hoxha dhe Zamir Latifi dhe dy të tjerë u plagosën.

Më 23.11.2017, në fshatin Karpen të Kavajës, Sami Metushi ka qëlluar dhe vrarë me thikë bashkëshorten e tij, Sose Metushi.

Më 27 Nëntor 2017, nga një atentat me tritol, në Vlorë Ines Hajrulla humbi gjymtyrët

Më 9 dhjetor 2017 u vra në Lezhë, Aleksandër Ndoka,

Më 17.12.2017, në Shkodër u vra 32 vjeçari Angjelin Shkami. Viktima është qëlluar në makinën e tij nga persona ende të paidentifikuar.

Më 24 Dhjetor 2017 Selman Aliajn, 28-vjeç masakroi babain dhe trupin e hodhi në liqen.

Më 13 janar 2018, një shpërthim me tritol ka tronditur lagjen ?Rus? në Shkodër ku për pasojë kanë mbetur të plagosur 6 persona.

Më 14 janar 2018, në Tiranë është ekzekutuar në makinën një 32-vjeçar, ndërsa një tjetër ka mbetur i plagosur.

Më 21 janar 2018, një 21-vjeçare nga qyteti i Fierit, studente për Drejtësi në kryeqytet, është vrarë me armë zjarri nga një bashkëqytetar i saj 23-vjeçar.

Më 29 janar 2018, është vrarë Deivi Kasmi në Tiranë.

Me 14. 2.2018 Afrim Begalla 65 vjeç nga Tepelena është vrarë poshtë pallatit. /CNA.al