web counter
LEXO PA REKLAMA!

SHKARKO APP

App Store
Google Play

E fundit!

x

Seanca e jashtëzakonëshme e Kuvendit/ Diskutohet për 6 gulenistët e deportuar

4 Prill 2018, 15:50, Aktualitet CNA

Kuvedi i Kosovës është mbledhur pasditen e sotme për të diksutuar rreth arrestimit dhe më pas deportimit drejt Turqisë të gjashtë gulenistëve, pjesë përbërëse e stafeve të kolegjeve “Mehmet Akif” dhe “Gulistan” në Kosovë.

Aksioni për arrestimin dhe, më pas, deportimin e të gjashtëve ka ndodhur nga ana e Agjencisë së Inteligjencës së Kosovës dhe policisë, por pa dijeninë e kryeministrit, Ramush Haradinaj. Gjë për të cilën u mor vendimi për heqjen nga detyra të ministrit të Brendshëm dhe shefit të Agjencisë së Inteligjencës.

Opozita reagoi ashpër ndaj këtij aksioni që anashkaloi kreun e qeverisë dhe të shtetit, ndërkohë që kërkoi mbajtjen e seancës së jashtëzakonëshme për të diskutuar rreth kësaj çështjeje.

Kjo ndodhi pasditen e sotme dhe seanca po vijon, midis diskutimesh dhe debatesh, njoftojnë mediat kosovare. Sipas të cilave:

Deputeti i partisë “Nisma Socialdemokrate”, Milaim Zeka, lidhur me këtë veprim arbitrar ka akuzuar presidentin Hashim Thaçi dhe zëvendëskryeministrin Behgjet Pacolli, duke i bërë përgjegjës për deportimin e gjashtë gylenistëve në Turqi.

Gjatë fjalimit të tij Zeka ka thënë se nuk bëhet biznes me fatin e njerëzve dhe të tejkalohen gjykatat.

Seanca e jashtëzakonshme u caktua sot nga Kryesia e Kuvendit me kërkesë të 40 deputetëve, nënshkrimet e të cilëve u mblodhën nga Lidhja Demokratike e Kosovës. Në të nuk janë prezent as kryeministri i Kosovës Ramush Haradinaj e as kryetari i Kuvendit Kadri Veseli. Gjithashtu nuk po marrin pjesë shumica  e ministrave të kabinetit qeveritar.

Iniciuesi i kësaj seanca, shefi i grupit parlamentar të LDK-së, Avdullah Hoti, tha se kjo Qeveri po e shpie vendin nga një krizë në krizën tjetër. Ai theksoi se kryeministri nuk mundi ta shkarkojë drejtorin e AKI-së, duke e akuzuar presidentin Thaçi për ndërhyrje në kompetencat që ai nuk i ka duke shkelur Kushtetutën./CNA.al





Lajmet e fundit nga