Deputetja socialiste provokon protestat: Tjetër thonë e tjetër bëjnë...

4 Prill 2018, 14:23, Aktualitet CNA

Deputetja e Partisë Socialiste, Elisa Spiropali, ishte e ftuar në rubrikën “Opinion” në televizionin News24, ku foli lidhur me protestën për tarifën në “Rrugën e Kombit” dhe aksionin opozitar për mosbindje civile. Ajo akuzoi Partinë Demokratike se kërkon të marrë pushtetin me dhunë, ndërsa shtoi se opozita po nxit dhunën dhe urrejtjen sepse nuk ka asnjë vizion, asnjë shpresë se mund të vijë në pushtet me vota.

?Me të vërtetë nuk e kuptoj se ç?punë ka opozita e vendit dhe drejtuesit e saj të nxisin njerëzit. Ç?punë kanë këta deputetë të PD të dalin aty, të nxisin dhunë këtë nuk e kuptoj. Ndoshta kjo shpjegohet me faktin se kjo opozitë që nuk ka asnjë vizion, asnjë ide, asnjë shpresë që të vijë në pushtet me vota do ta marrë pushtetin me dhunë?,- deklaroi Spiropali.

Ajo komentoi veprimin e ish-kryeministri Sali Berisha dhe thirrjet e tij në mbledhjen e grupeve parlamentare të LSI-së dhe PD-së, ndërsa tha se ata vazhdimisht tjetër thonë e tjetër bëjnë.

?Deklaratat e tyre i njohim, tjetër thonë, tjetër të bëjnë. Janë përsosmërisht jokoherentë për ato që thonë dhe që bëjnë. Më treguese se ajo goditja e tavolinës me dorë, dalë nga mbledhja e PD-LSI unë nuk njoh. Në rast se do ta citoja zotin Berisha, liderin e vërtetë të PD-së ai tha se ne do të nxisim njerëzit. Përkthimi i vërtetë është ky që ?ne nuk ja dalim dot me vota me këtë lider që ju kam bërë peshqesh, zotin Basha. Ne mund t?ja dalim vetëm duke nxitur vatra konflikti dhe duke përmbysur qeverinë? sipas tij. Berisha vajti edhe më thellë në këtë pjesë, duke deklaruar në takime informale, duhet të djegim mandate etj. Shkurt, rroftë sebepi i kuksianëve që t?i përdorim si mishi për top. Kjo nuk ishte politikë, është portreti i përkufizuar e asaj që do të bëjë PD?, – tha Spiropali.

Sipas saj dhuna në protestën që u bë në ?Rrugën e Kombit? për heqjen e tarifës së rrugës, ishte e nxitur nga PD.

?Unë mendoj që aty ka elementë siç po del, por i takon prokurorisë të hetojë. Njerëzit që ishin aty për protestë paqësore është një gjë dhe opozita dhe njerëzit që nxitën dhunën, një gjë tjetër?, u shpreh ajo, ndërsa shtoi se procesi i dhënies me koncesion ka nisur që në kohën e PD. /CNA.al