web counter
LEXO PA REKLAMA!

SHKARKO APP

App Store
Google Play

E fundit!

x

I dënuar me shtatë vite/ Imami i burgosur në Manastir dy ditë në grevë urie

30 Mars 2018, 18:52, Aktualitet CNA

Imami, Rexhep Memishi, është dënuar me shtatë vjet burg, pas aksionit anti-terrorist të Ministrisë së Punëve të Brendëshme të Maqedonisë në vitin 2015. Vuajtjen e dënimit po e kryen në burgun famëkeq të Manastirit dhe prej dy ditësh së bashku me dy bashkëvuajtës të tjerë kanë nisur një grevë urie. Përveç ankesave të përbashkëta, që lidhen me kushtet mizerabile që ofron kjo qendër rehabilitimi, Imami ankohet se në mënyrë të padrejtë mbahet në burgun komunal, për shkak se në këtë burg dënimin e vuajnë vetëm personat e dënuar deri në tre vjet.

?Për dënim prej shtatë viteve po e vuaj dënimin në këtë burg që është burg komunal. Nuk ka kushte për dënimet që zgjasin shtatë vjet. Andaj do ju lusja që të dërgoni kërkesë deri tek avokati i popullit të Maqedonisë, që të vijë të na vizitojë?, tha Rexhep Memishi, i burgosur në burgun e Manastirit, i cituar nga “Tetova Sot”.

Sipas të cilës: Avokati i popullit Ixhet Memeti, gjatë prezantimit të raportit vjetor për vitin 2017 dje deklaroi se nuk ka pasur përmirësim të të drejtave të njeriut në vitet e kaluara. Edhe pse ka ngritur pesë padi penale kundër pjesëtarëve të MPB-së, megjithatë nuk ka pasur epilog juridik. Memeti thotë se kanë reaguar edhe për sjelljen e nëpunësve nëpër burgje.

Kushtet e mjerueshme në burgjet e Maqedonisë u përmendën edhe në raportin vjetor të vitit të kaluar të Avokatit të popullit. Për problemet në qelitë e burgjeve, Avokati i Popullit i ka njoftuar edhe Kombet e Bashkuara.





Lajmet e fundit nga