web counter
LEXO PA REKLAMA!

SHKARKO APP

App Store
Google Play

Avokati i Popullit nis hetimet për arrestimin e gjashtë gylenistëve

30 Mars 2018, 17:06, Aktualitet CNA

Zyra e avokatit të Popullit tw Kosovës ka reaguar pas arrestimit dhe deportimit të gjashtë gylenistëve, pjesë e stafit pedagogjik të kolegjeve “Mehmet Akif” dhe “Gulistan” tek autoritetet turke.

Përmes një njoftimi, të publikuar nga “Telegraf”, avokati Popullit, Hilmi Jashari, ka treguar gjithë ecurinë e këtij veprimi deri kur është bërë arrestimi, dhe ka thënë se ky veprim i ndërmarrë nga autoritetet në Kosovë, është në kundërshtim me standardet ndërkombëtare për të drejtat dhe liritë e njeriut.

Gjithashtu, ai ka njoftuar se ka vendosur të hap rast “Ex officio”, për të hetuar në detaje veprimet e ndërmarra nga autoritetet publike.

Në deklaratë të Avokatit thuhet se janë bërë përpjekje të vazhdueshme për të siguruar informacion zyrtar për vendndodhjen  dhe gjendjen e tyre, mënyrën e arrestimit dhe aktin e deportimit drejt shtetit të Turqisë, por kjo ka qenë e pamundur gjatë ditës së djeshme dhe paraditen e sotme.

?Pas insistimit të pandërprerë të Avokatit të Popullit, Policia e Kosovës (PK), respektivisht Drejtoria për Migrim dhe të Huaj (DMH), sot, mnë ora 14:00, ka njoftuar se,  nga ana e DMH-së së PK-së, më 29 mars 2018, janë nxjerrë gjashtë Urdhra për largim me forcë të shtetasve në fjalë, nga territori i Republikës së Kosovës, për në Turqi. Lëshimi i këtyre Urdhër largimeve me forcë, është aplikuar duke u bazuar në Vendimet e Departamentit për Shtetësi, Azil dhe Migracion (DSHAM) të MPB-së, që mbajnë datën 23 mars , të përcjella tek DMH, më 28 mars . Sipas njoftimit të PK-së, shtetasit në fjalë janë ndaluar më 29 mars dhe  janë përcjellë të njëjtën ditë, në Aeroportin Ndërkombëtar të Prishtinës, nga ku ka ndodhur dëbimi për në shtetin e tyre të origjinës.?, thuhet në deklaratën e Avokatit…





Lajmet e fundit nga