Rama injoron profesionalizmin, emëron drejtore të ISHP motrën e ish bashkëjetueses

30 Mars 2018, 18:10, Aktualitet CNA

Në të kundërt të asaj çfarë predikon publikisht dhe kundër çdo lloj praktike zyrtare normale kryeministri Edi Rama ka urdhëruar që në krye të drejtorisë së Institutit të Shëndetit Publik (ISHP) të vendoset Albana Fico, motra e ish bashkëjetueses së tij shumëvjeçare, Dalina Fico, aktualisht në krye të zyrës rajonale soroiste.

Emërimi i Ficos ka ardhur pas një qendrimi disa mujor bosh të vendit të drejtorit, pas shkarkimit nga kjo detyrë të Arjan Bregut, militant i LSI-së dhe bashkëfshatar i Ilir Metës.

Prezantimi i Ficos ka ndodhur ditën e enjte, ndërkohë që ka përbërë çudi për faktin se ajo nuk ka asnjë lidhje profesionale me ISHP-në.

Para se të emërohej në postin e drejtores së ISHP , Fico ka mbajtur detyrën e zv.drejtores së Qendrës Spitalore Universitare “Nënë Tereza”. Burime brenda QSU i thanë CNA-së se Albana Fico nuk ka asnjë lidhje profesionale për ti dhenë drejtim punëve të ISHP-së të katandisur përgjatë viteve në “han pa porta” me destinacion të vetëm përvetësimin personal nga projekte fiktive.

Emërimi i Ficos ka ndodhur, ndërsa ISHP është pjesë e katedrës së Shëndetit Publik, pranë Universitetit të Mjekësisë, çka don të thotë se përgjedhja e drejtuesit të këtij institucioni nga stafi i kësaj katedre do të ishte rruga më e drejtë.

Fico nuk e gëzon këtë kërkesë, e megjithatë është emëruar me urdhër nga Rama, ndërsa ka jo pak specialistë profesionistë të fushës së shëndetit publik, të cilët mund ta drejtojnë me standartet bashkëkohore ISHP-në.

Institucionin që çdo vit i kushton buxhetit të qytetarëve rreth tre milion euro e që, megjithatë, përgjatë viteve të shkuara rreshtohet si insitucioni bëmat e të cilit janë proverbiale pikërisht nga qënia në krye të drejtimit e tarafeve nepotike, miqësor e militante.

Burime konfidenciale, i thanë CNA.al se emri i Albana Ficos për të qenë drejtuese e ISHP është bvërë më vendosje vetoje urdhëruese nga kryeministri Edi Rama dhe ka për bazë vetëm motive nepotizmi.

Emri i saj ka dalë pikërisht në çastin kur Kryeministrit i janë paraqitur disa kandidatura konkuruese potente që lidhen profesionalisht me shëndetin publik, e që janë kundërshtuar prerazi nga Rama. I cili, nga sa duket edhe në këtë etapë të dytë qeverisjeje postet drejtuese i konsideron pronë të vetat dhe mund të vendos ndër to kë ti do qejfi./CNA.al