web counter
LEXO PA REKLAMA!

SHKARKO APP

App Store
Google Play

Bashkimi i kontributeve/ Berisha: Disa hapa janë bërë, besoj...

27 Mars 2018, 19:25, Aktualitet CNA

Lideri historik i Partisë Demokratike, Sali Berisha, është shprehur se që pas thirrjeve të tij për bashkim të të gjitha kontributeve të PD-së, që nga viti 90′-të e deri më sot janë bërë disa hapa dhe që shpreson të ketë sukses.

“E kam thënë dhe e them se rikthimi i kontributeve në Partinë Demokratike që nga viti 90 në këtë situatë jashtëzakonisht të vështirë që po kalon vendi nga instalimi i narkoshtetit dhe narkodiktaturës, e konsideroj përgjegjësi të demokratëve dhe PD-së, për të nxjerrë vendin nga kjo situatë. Disa hapa janë bërë, shpresoj të ketë sukses.”, – tha Berisha.

Ai tha se është ngritur një grup pune për mbledhjen e të gjitha sugjerimeve që do të paraqiten në Kuvendin kombëtar, ndërsa theksoi se, para Kuvendit Kombëtar, ashtu siç e thotë edhe Statuti, do të ketë një mbledhje të Këshillit Kombëtar. Ai u shpreh se, nuk e di se kur është, por ajo do të bëhet.

“Në informacionin që kam, do të ketë mbledhje të Këshillit Kombëtar. Nuk e di se kur, por ajo do të bëhet.”, – tha Berisha. /CNA.al





Lajmet e fundit nga