E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Taksa për Rrugën e Kombit/ Berisha: Studimin e bëmë ne, por...

27 Mars 2018, 18:26, Aktualitet CNA

Ish-kryeministri i vendit Sali Berisha, ka dhënë një intervistë për televizionin Fax News, ku ka folur rreth vendimit të qeverisë për vendosjen e taksës 5 euro për Rrugën e Kombit.

Sipas Berishës, “Taksa e Rrugës së Kombit, vendim i turpshëm i Ramës, që vendos pengesë ndaj qytetarëve të Kosovës për të ardhur në vendin amë.”

Më tej ish-kreu i ekzekutivit shqiptar, u shpreh se, “Shqiptarët e Kosovës lëvizin nëpërmjet “Rrugës së Kombit” drejt Shqipërisë 300 milionë euro në vit.”

Po ashtu ai theksoi se ndonëse qeveria e tij e kishte bërë një studim, kjo ishte bërë për të parë se sa do të duhej që qeveria të paguante për mirëmbajtjen e saj, pasi rruga nuk do të kishte asnjë taksë.

“Ne e bëmë studimin, dhe unë u tërhoqa se pati një presion nga Banka Botërore.

Qëllimi i studimit, ishte për të parë se cila do të ishte fatura që duhet të paguante qeveria për mirëmbajtjen e rrugës, por taksë nuk do të kishte kurrë.”, – tha Berisha.

Ai deklaroi se, “Taksa e vendosur, është 8 herë më e lartë sesa konfederata helvetike që ka njerëzit më zengjinë (të pasur) në Evropë.”, ndërsa shtoi se, “Taksa nuk duhej të vendosej pa një dakordësi me Kosovën. Nuk ka nevojë që të shkohet e të bëhen deklarate hipokrite për President të përbashkët, por duhet rruga e përbashkët.”

Ai hodhi akuza ndaj Ramës, teksa tha se me këtë taksë po dëmton tregtinë mes dy vendeve. /CNA.al