web counter
LEXO PA REKLAMA!

SHKARKO APP

App Store
Google Play

E fundit!

x

Vdekja e 13-vjeçares në Fushë-Arrëz/ Mjekët: E gjithë familja e prekur...

27 Mars 2018, 16:42, Aktualitet CNA

Një 13-vjeçare nga fshati Berishë, i Fushë-Arrëzit, humbi jetën sot ndërsa mjekët dyshojnë se komplikacionet për të miturën të kenë ardhur nga Fruthi.

Menjëherë pas ngjarjes, mjeku i zonës ka shkuar pranë familjes e cila ka hapur dyert e mortit, dhe ka konstatuar se e gjithë familja është prekur nga një gjendje virale. 3 fëmijë të tjerë të familjes janë transportuar me helikopter drejt Tiranës, ndërsa edhe ata dyshohen si të prekur nga Fruthi.

Por situata bëhet më e frikshme pasi familja Smajli ka hapur dyert e mortit ndërsa është thuajse e pamundur vendosja e një gjendje karantine, teksa pritet dalja e analizave që do të saktësojnë shkaqet që çuan në vdekjen e 13-vjeçares dhe përkeqësimin e gjendjes shëndetësore të tre prej pjesëtarëve të tjerë të familjes në zonën e thellë malore.

Për të analizuar rastin në fjalë, Drejtoria e Shëndetit Publik në Pukë ka ngritur një ekip, i cili pritet të mbërrijë në zonën e thellë malore për të parë nga afër gjendjen, ndërsa do të mësohet, nëse fëmijët e kësaj familje e cila jeton nën minimumin jetik ishin të vaksinuar apo jo. /CNA.al





Lajmet e fundit nga