web counter
LEXO PA REKLAMA!

SHKARKO APP

App Store
Google Play

Agron Duka, notë pozitive qeverisë për bujqësinë

26 Mars 2018, 11:25, Aktualitet CNA

Kryetari i PAA-së, Agron Duka në një intervistë ekskluzive për CNA.al, edhe pse i rreshtuar në kampin opozitar, nuk nguron ti vërë një notë pozitive vëmendjes që ka qeveria ?Rama 2? ndaj bujqësisë.

I pyetur nga CNA.al, për sjelljen e qeverisë Rama dhe politikat e saj në bujqësi, Duka tha se ?Qeveria dhe politika e saj në bujqësi, Duka u përgjigj “Ndryshe nga mandati i parë, ku premtuan shumë dhe mbajtën shumë pak, të dytin e kanë nisur me një farë vëmendje ndaj bujqësisë. Për shembull subvencionet këtë vit kapin një vlerë më të lartë se vitin e shkuar; autoritetet europiane është  akredituar AZHBR-ja, fakt që lejon përfitimin e fondeve  europiane nga fermerët shqiptarë. Të gjitha këto janë lajme pozitive, por që kanë nevojë për politikat e duhura që kanë nevojë për ekspertë  të sprovuar në hartimin dhe implementimin e tyre; të cilat duhet të shoqërohen me një strategji të mirëfilltë dhe të zgjasin në kohë për të dhënë efektet e dëshirueshme.?

Kreu agrar tregon edhe një shembull negativ që vjen nga ndryshimi i shpeshtë i politikave në bujqësi, ato që lidhen kryesisht me subvencionet. ?Skema e re e këtij viti garanton më shumë fonde, por ka në brendësi disa papajtueshmëri dhe kritere që rrezikojnë të përjashtojnë 90% të fermerëve shqiptarë. Për këtë duhet shumë kujdes dhe vëmendje. Nisur nga ky shqetësim i fermerëve, në datën 4 prill, PAA do të mbledhë një tryezë të rrumbullakët mbi subvencionet, problemet dhe alternativat. Do të jenë të pranishëm jo vetëm agronomë dhe ekspert të politikave bujqësore, por edhe fermerë që do të flasin për eksperiencat e tyre me subvencionet.?- tha Duka./ CNA.al





Lajmet e fundit nga