E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Rruga e Kombit/ Basha vodhi, Rama na taksoi, LSI qan për tepsinë

26 Mars 2018, 07:20, Aktualitet CNA

Konfederata e Sindikatave të Shqipërisë ka reaguar në lidhje me vendosjen e taksës për Rrugen e Kombit.

Në një deklaratë për mediat, KSSH vlerëson se taksa e vendosur për rrugën e kombit është e papranueshme për realitetin ekonomik shqiptar.

KSSH ka hedhur akuza të forta ndaj politikës shqiptare.

?Rruga e Kombit është ndërtuar me taksat e shqiptarëve dhe kostoja e saj ka kaluar çdo pritshmëri edhe për shkak të abuzimit nga qeveria Berisha, me Ministër Transportesh asokohe Lulzim Bashën.?-thuhet në deklaratën e KSSH.

Gjithashtu në deklaratë theksohet se qeveria socialiste duke e taksuar bëhet palë me vjedhësit.

Deklarata e plotë:

Konfederata e Sindikatave të Shqipërisë vlerëson se taksa e vendosur për rrugën e kombit është e papranueshme për realitetin ekonomik shqiptar.

Rruga e Kombit është ndërtuar me taksat e shqiptarëve dhe kostoja e saj ka kaluar çdo pritshmëri edhe për shkak të abuzimit nga qeveria Berisha, me Ministër Transportesh asokohe Lulzim Bashën.

Ndonëse autoritetet e drejtësisë nuk e çuan në fund hetimin për këtë çështje qeveria socialiste duke e taksuar bëhet palë me vjedhësit.

Ky konçension pritet të ketë impakt negativ në ekonominë shqiptare pasi shqiptarët e Kosovës përbëjnë numrin më të madh të turistëve që vizitojnë vendin tonë gjatë gjithë vitit.

Është padrejtë që atyre tu shtohet edhe një taksë, veç çmimeve të kripura që paguajnë për të kaluar pushimet në Shqipëri.

5 euro për çdo veture dhe 10 euro për çdo kamion është jashtë çdo logjike për realitetin ekonomik shqiptar, ku paga minimale është më e ulëta në Evropë.

Ndërkohë dua të kujtoj se sot shqiptarët e paguajnë karburantin më shtrenjtë se shumë vende të Bashkimit Evropian.

Janë pikërisht këto oligarkë të karburanteve që do mbledhin edhe taksën në rrugën e Kombit duke nisur nga java e 2 e muajt prill.

Ndërkohë dua ti kujtoj Kryeministrit Edi Rama dhe Ministrit Arben Ahmetaj se qarku i Kukësit është ndër më të varfrit në vend dhe me shkallën më të lartë të papunësisë.

Konfederata e Sindikatave të Shqipërisë i kërkon kryeministrit Edi Rama që sa është në kohë të rishikojë këtë konçension që rëndon xhepat e varfër të banorëve të qarkut të Kukësit.

Rruga e Kombit nuk duhet të kthehet në rrugën e turpit.