web counter
LEXO PA REKLAMA!

SHKARKO APP

App Store
Google Play

E fundit!

x

"Sabatini" restoranti më  i famshëm në Firence blihet nga emigranti shqiptar

25 Mars 2018, 19:03, Aktualitet CNA

“Sabatini” është restoranti më i famshëm i Firences, me një histori qindra vjecare (hapur në 1914). Ky restorant ishte pikëtakimi i aristokracisë së Firences dhe një nga më të shtrenjtët në Itali.

Kur Berluskoni ishte kryeministër një darkë te “Sabatini” me Berluskonin shkonte rreth 1 000 euro personi. Restoranti ishte i famshëm në botë, si ndër më të parët restorante, që futi mënyrën e gatimit me alkol të ndezur flakë.

Bifteku i quajtur “fiorentin” i gatuar sipas mënyrës tartare (biftek me gjak) ishte një nga specialitetet që e bëri aq të famshëm restorantin “Sabatini”. Në këtë restorant kanë drekuar e darkuar VIP-a të tillë si shkrimtarët Euxhenio Montale e Dario Fo, aktorët Ingrid Bergman dhe Pol Njuman, presidentët Nikson dhe Alende, kryeministrat Spadolini dhe Berluskoni e plot të tjerë.

Fatkeqësisht vitet e fundit restoranti kishte filluar ta humbiste shkëlqimin e parë, derisa i’u shit një emigranti shqiptar

Julian Golemi një emigrant dhe biznesmen i suksesshëm shqiptar e bleu restorantin në fjalë për 1 milion euro. Golemi aktualisht është pronar i restorantit “Trattoria Il Paiolo”.

Juliani beson se ka blerë një ?makinë? të mrekullueshme, të cilën ai shpreson të mësojë ta ?ngasë? sa më shpejt e sa më me eficencë. Juliani u premton fiorentinëve, që restorant “Sabatinit” t?ia kthejë lavdinë e shkuar të viteve 60-70 të shekullit XX. /Gjergj Thanasi





Lajmet e fundit nga