web counter
LEXO PA REKLAMA!

SHKARKO APP

App Store
Google Play

Arrestimi i Puidgemont tensionon situatën/ Barcelona shpërthen në protesta

25 Mars 2018, 18:16, Aktualitet CNA

Arrestimi i ish udhëheqësit katalonjas, Carles Puigdemont, në Gjermani e ka tensionuar situatën në kryeqytetin e Katalonjës, Barcelonë. Sipas  raportimit të mediave vendore dhe atyre ndërkombëtare, kundërshtarët dhe mbështetësit e pavarësisë së Katalonisë nga Spanja organizuan në grupe të ndara sot protesta në Barcelonë, pas arrestimit të ish-udhëheqësit katalonas.

Partia katalonase “Asambleja Kombëtare” dhe e majta radikale “CUP” u kanë bërë thirrje mbështetësve të tyre të dalin në rrugë dhe të mbështesin lirimin e menjëhershëm të Puigdemont.

Ish-kreu i parlamentit të Katalonisë u arrestua sot nga policia gjermane afër kufirit me Danimarkën, sipas një fletarresti ndërkombëtar të lëshuar nga Spanja. Policia gjermane njoftoi se arrestimi ishte bërë, pasi Puigdemont do të largohej nga Gjermania drejt Danimarkës, transmeton “Ksp”.

Avokati i ish-kreut të Parlamentit katalonas konfirmoi se sot policia gjermane ka arrestuar Carles Puigdemont. Policia gjermane ndaloi Puigdemont në kufi derisa po tentonte të kalojë në Danimarkë, tha avokati Jaume Alonso-Kuevilas.

Arrestimi i Puigdemont është bërë sipas fletarresti ndërkombëtar të lëshuar nga Spanja. Ai u arrestua në veri të Shlezvig-Holstein, jo larg qytetit Flensburg, rreth 7 kilometra nga kufiri me Danimarkën. Lajmi i publikuar ndezi frymën e pakënaqësisë së katalonjasve të cilët u organizuan në protesta, që nuk dihet për sa kohë do të vijojnë.





Lajmet e fundit nga