web counter
LEXO PA REKLAMA!

SHKARKO APP

App Store
Google Play

E fundit!

x

Pas miratimit të demarkacionit/ Korrupsioni rrezikon liberalizimin e vizave

25 Mars 2018, 16:39, Aktualitet CNA

Pas ratifikimit të demarkacionit të kufirit me Malin e Zi nga ana e Kuvendit të Kosovës, një kriter tjetër, që mbetet i përhershëm për liberalizimin e vizave, është ai i luftimit të krimit të organizuar dhe korrupsionit.

Përderisa zyrtarë të Qeverisë thonë se do të dëshmohet se Kosova ka rezultate konkrete që tregojnë për luftimin e korrupsionit, përfaqësues të shoqërisë civile mendojnë se ky kriter do të jetë mjaft vështirë të plotësohet dhe si i tillë edhe do të paraqitet problem për liberalizimin e vizavem raporton “Zeri.Info”. Që më pas vijon:

Ministri i Drejtësisë në Qeverinë e Kosovës, Abelard Tahiri, thotë për radion “Evropa e Lirë”, se tashmë është shënuar progres në këtë çështje dhe se ky përparim, sipas tij, do të merret parasysh nga Komisioni Evropian në rekomandimin për liberalizimin e vizave.

Në kuadër të shtimit të aktiviteteve për përmbushjen e këtij kriteri, Qeveria e Kosovës ka miratuar dhe Strategjinë kundër korrupsionit dhe planin e veprimit 2018-2022.

Përmirësimi i politikave, përkatësisht zbatimi më efektiv i tyre dhe qeverisja e mirë, janë dy kushtet kryesore për parandalimin dhe luftimin e korrupsionit në Kosovë.

Strategjia është ndarë në katër sektorë, ku bëjnë pjesë, sektori politik publik, administrata publike, zbatimi i ligjit dhe gjyqësori, si dhe prokurimi publik dhe menaxhimi i financave publike.

Por, pavarësisht këtyre përpjekjeve, drejtori i Institutit të Kosovës për Drejtësi, Betim Musliu, dyshon se sistemi i drejtësisë mund ta luftojë krimin e organizuar dhe korrupsionin.

Pas ratifikimit të Marrëveshjes së demarkacionit me Malin e Zi, edhe zyrtarë të misionit të Bashkimit Evropian në Kosovë kanë thënë se vëmendja e institucioneve të Kosovës, duhet të përqendrohet në forcimin e rezultateve të luftës kundër krimit të organizuar dhe korrupsionit.





Lajmet e fundit nga