web counter
LEXO PA REKLAMA!

SHKARKO APP

App Store
Google Play

E fundit!

x

Agron Duka flet për polin e tretë/ Ende ka shpresë

26 Mars 2018, 10:30, Aktualitet CNA

Kryetari i PAA-së, Agron Duka, iniciatori i lëvizjes për ?themelimin? e një poli të tretë në politikën shqiptare, tashmë duket më me këmbë në tokë.

Ai thekson se ajo nuk është një lëvizje që kërkon të godasë partitë e mëdha. I pyetur nga CNA.al se poli i tretë u duk deri diku një lëvizje që mund të godiste dy polet e mëdha PD ? PS por më pas heshtje. Çfarë ka ndodhur me këtë lëvizje, ai thekson se ?Duhet të them që në fillim që nuk është një lëvizje që kërkon të ?godas? polet e mëdha, por një angazhim politik që rrjedh nga domosdoshmëria e kontekstit shqiptar. Partitë alternative, apo të vogla, kërkojnë ti japin një zgjidhje papjekurisë së sistemit politik, i cili kërkon një balancim të pushtetit, nëpërmjet përfaqësimit të asaj pjese të shoqërisë që nuk gjen zgjedhje tek partitë e mëdha.?

Duka sqaron se poli i tretë ka ende shpresë për sa kohë disa nga partitë e vogla janë pjesë e parlamentit shqiptar dhe strukturave të tij. ?Ne nuk kemi heshtur, por jemi duke ndjekur me vëmendje zhvillimet që lidhen me Reformën Zgjedhore, e cila duhet të sigurojë përfaqësimin e të gjitha shtresave, grupimeve, nevojave të qytetarëve.  Ndoka, Dule dhe Shehi janë anëtarë të Komisionit të posaçëm për Reformës Zgjedhore, dhe do kenë vëmendjen e duhur ndaj problematikave që ne si grupim kemi manifestuar me kohë. Nëse Reforma do të kryhet pa pasur parasysh ato që janë kërkesat tona, ne do të vijojmë betejën tonë politike për të përfaqësuar, sipas strategjive që kemi përcaktuar bashkarisht, elektoratin tone?.

Për Ben Blushin dhe rolin e tij në polin e tretë, kreu i Agrarëve shprehet se ?ju e njihni mendimin dhe gatishmërinë time ndaj kthimit të tij në politikën aktive, dhe jam i bindur që ai do të kthehet sërish. Gjithsesi në misionin e ri që ka ndërmarrë po jep një kontribut të madh në ndërgjegjësimin dhe informimin e qytetarëve, duke dëshmuar se burrat e fisnik dhe të talentuar gjejnë gjithmonë një mënyrë për të dhënë kontributin e tyre për vendin.?- përfundon prononcimin e tij për CNA.al, Agron Duka./ CNA.al





Lajmet e fundit nga