Pse LSI nuk është “Hirushja” e politikës, por banda me hajdutë ?!

23 Mars 2018, 12:02, Aktualitet CNA

Dje në mbrëmje, Monika Kryemadhi, kryetarja e LSI-së, në emisionin ?Opinion? të Blendi Fevziut në Tv Klan theu çdo rekord audience.

Monika me stilin e saj të drejtpërdrejtë nga njëra anë, emisioni me peshë në audiencë në anën tjetër dhe pritshmëritë e opinionit publik bënë që kryetarja e LSI-së të thyente çdo rekord të audiencës së kohëve të fundit.

Në fakt, Monika kërkoi të ishte ?Hirushja?, por LSI nuk mund të jetë kurrë e tillë. Këtë e kemi thënë në një shkrim publikuar ende pa pasur marrëveshjen Basha-Kryemadhi. https://www.cna.al/2017/10/16/lsi-nuk-eshte-hirushja/

Atëhere ishin në tentativat e para, sot janë në koalicion, megjithëse LSI përpiqet të ngrejë profilin e saj, paralel me PD-në, duket se ka rolin e një opozite më shumë sesa të pabesueshme.

Kryemadhi foli qartë se me PD-në ishte në koalicion për luftën kundër drogës dhe krimit të organizuar, por qëndroi e distancuar dhe asnjëherë nuk tha se Lulzim Basha është kryeministri i koalicionit opozitar, PD-LSI, etj.

Ashtu siç ne e kishim paralajmëruar muaj më parë, Monika kërkoi ta shfaqte LSI-në si ?Hirushe? të politikës shqiptare. Në fakt, LSI-ja kurrsesi nuk është e tillë. Jo për shkak të kapërcimeve sa majtas-djathtas, por për shkak të një historiku që tregon se LSI-ja është çeta korruptive e Ilir Metës, që u kap me bllok në dorë, për bllokun e tij u vranë katër shqiptarë, e më tej akoma historitë me drejtorë e ministra hajdutë. Jo nga ata me çizme, por me kominoshe.

LSI u krijua në 2014 nga Ilir Meta, për ti shkaktuar një humbje socialistëve një vit më pas. Në vitin 2009, atëhere kur kishte luftën për ekzistencë, pasi bashkohet me Berishën, fillon të ?rrudhet? në bazë, pasi lëvizja quhej tradhëti. Por kur shkoi dhe u ul në prehërin e Edi Ramës, LSI u rrit dhe më shumë sepse kapërceu nga karrigia e pushtetit në kolltukun e pushtetit. Berisha i kishte dhënë gjithçka, të njëjtën gjë bëri edhe Rama.

LSI u kthye në makinerinë e punësimit, duke vjedhë militantë nga PD-ja dhe PS-ja, me variantin ?kap c?të kapin, në rrjesht për një në gjirin e partisë, me xhepat plot dhe kokën bosh?.

Kohët e fundit, pas daljes së LSI-së sërish në opozitë, në fakt pjesërisht jo kudo, në shumë qytete kanë filluar rrjedhjet. Anëtarët po ikin, këshilltarët po ikin, duke gjetur si argument jo tradhëtinë me Berishën, por tradhëtinë me Bashën.

Kryemadhi e ka bërë edhe më të kujdesshme, që të mos sulmojë ashpër Veliajn, por ti drejtohet me kërcënime vetëm Ramës, të mos thotë që Basha është kryeministri i ardhshëm, por të flasë për bashkëpunim parimor me opoziten.

Pra, LSI nuk është ?Hirushja?, por banda që qeverisi tetë vite dhe ka po aq përgjegjësi sa Rama, por dhe po aq sa Berisha në dy mandatet e fundit qeverisëse.

Gjithçka Monika artikulonte dje për drejtorët e saj të burgosur, për të tjerë dtrejtorë të arrestuar më parë, ishte thjeshtë një justifikim, çeta e Ilir Metës është një bandë me hajdutë. Këtë e di Monika, këtë e di Lulzim Basha, këtë e di Edi Rama, këtë e di Sali Berisha, këtë e di edhe çuni i Fahriut, që ndoshta nuk di asgjë nga politika.

Çdo shfaqje mediatike, edhe pse mund të ketë audiencë maksimale, nuk do të thotë se LSI është e ardhmja. Pas Ramës dhe Bashës është problem i tretë më i madh, për të mos thënë që ndonjërit prej tyre ja kalon nga bëmat dhe gjëmat e tetë viteve të fundit.

LSI është banda korruptive e kthyer në forcë politike, që për tetë vitet më të këqia qeverisëse të këtij vendi është përgjegjëse dhe nuk mund ti lajë duart as për korrupsionin dhe gjakun e katër viktimave gjatë qeverisë Berisha dhe as për vjedhjet dhe abuzimet gjatë qeverisë Rama.

LSI-ja është banda që funksionin në pushtet, ?me qetësi dhe dashuri?, të cilen e humb kur del në opozitë.

Hesht kur vjedh me thasë, e kafshon kur s?ka çtë vjedhë./ CNA.al