web counter
LEXO PA REKLAMA!

SHKARKO APP

App Store
Google Play

E fundit!

x

Vettingu për politikanët i domosdoshëm/ Një ish kryeministër i papunë vazhdon të blejë prona

22 Mars 2018, 21:34, Aktualitet CNA

Procesi i vetingut për klasën politike është domosdoshmëri, pasi korrupsioni i strukturës shtetërore dhe sistemit të drejtësisë është rrjedhim i korrupsionit politik. Pa bërë vetingun e politikanëve nuk mund të pastrohet korrupsioni.

Kjo ka qenë përmbajtja e ligjërimit që kryeredaktori i “Gazeta Shqiptare”, Erl Murat ka artikuluar në emisionin “360Gradë”, ku është i ftuar. Në ilustrim të këtij vlerësimi Murati ka sjellë rastin e një ish-Kryeministri që ka 13 vite pa punë dhe shëtit me një automjet fuoristradë që kushton 90 mijë euro. Por ai vijon të blejë ende edhe prona. Ku i gjen vlerat monetare?

“Duhet vetting për politikanët në radhë të parë. Kush do e bëjë këtë vetting? Edhe këta zyrtarët që janë arrestuar janë të gjithë për shpërdorim detyre dhe asnjë për korrupsion. Kjo është kryevepra penale.

Një ish-kryeministër që ka 13 vjet pa punë dhe shëtit me një fuoristradë 90 mijë euro dhe nuk del një prokuror t’i thotë se ku i gjete paratë dhe nëse nuk i justifikon t’i sekuestrohet. Nuk po them që të arrestohen, por t’i sekuestrohen. Nuk po them që të shkojnë në burg ish-kryeministrat.

Ka 13 vjet i papunë dhe vazhdon e blen prona. Policia është pjesa më e mirë e administratës sepse ke qindra të vrarë në 27 vite dhe nuk ke asnjë prokuror.

Nëse Arta Marku nuk sekuestron pasuritë e politikanëve, atëherë nuk ka bërë asgjë”, ka artikuluar Murati./CNA.al





Lajmet e fundit nga