web counter
LEXO PA REKLAMA!

SHKARKO APP

App Store
Google Play

Vodhën naftë nga TAP-i/ Arrestohet në flagrancë roja dhe dy të tjerë

22 Mars 2018, 17:20, Aktualitet CNA

Policia e Beratit ka arritur të vërë në pranga punonjësin e një firme private sigurimi, i cili është kapur në flagrancë duke vjedhur në bashkëpunim rreth 500 litra naftë, nga automjetet e TAP.

Sipas policisë, “Nga Specialistët e Seksionit për Krimet u bë arrestimi në flagrancë i shtetasve:

·Zimis Xhufkollari, 28 vjeç, banues në Miminas, Berat.

·Kastriot Zaimi, 56 vjeç, banues në Therepel, Skrapar, punonjës i SHPSF-së.

·Pjerin Nikolli, 37 vjeç, banues në Lagjen Nr.15, Durrës, punonjës manovrator pranë një firme që punon për gazsjellësin.”

Më tej në njoftimin zyrtar thuhet:

“Arrestimi i shtetasve të lartpërmendur u bë pasi gjatë natës, shërbimet e Komisariatit të Policisë Skrapar kanë kapur në flagrancë shtetasin Zimis Xhufkollari, i cili drejtonte mjetin tip furgon, ku brenda tij kishte 500 litra naftë duke pretenduar se e kishte blerë.

Nga kryerja e veprimeve proçeduriale rezultoi se kjo sasi nafte ishte vjedhur në pikën e parkimit në Qafë Shkozë, Therepel, në mjetet e punës të firmës që punon për gazsjellësin.

Shtetasi Zimis Xhufkollari, për të marrë naftën u ka dhënë një sasi lekësh rojes së SHPSF-së shtetasit Kastriot Zaimi dhe punonjësit manovrator, shtetasit Pjerin Nikolli.”

Policia shprehet se materialet për rastin në fjalë janë referuar për në Prokurorinë e Beratit, ndërsa mësohet se kjo nuk është hera e parë që arrestohen roje private që vidhnin naftë nga TAP. /CNA.al





Lajmet e fundit nga