E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

LSI-së i “rrjedhin” këshilltarët bashkiakë/ Ja largimet në rrethe

22 Mars 2018, 13:30, Aktualitet CNA

Pas daljes në opozitë të LSI, duket se kjo forcë politike nga dita në ditë po ?shkatërrohet? dhe tkurret.

Këtë e tregojnë ?rrjedhjet? e vazhdueshme të Këshilltarëve të LSI në këshillat bashkiakë në shumë qytete, drejt Partisë Socialiste.

Tashmë janë bërë disa qytete, në të cilat braktisja e njerëzve të ish-partisë së Metës drejt socialistëve është kthyer në ?modë?.

Rasti më i fundit është ai ditës së sotme në Shkodër, ku katër këshilltarë të LSI ju bashkuan PS-së.

Një tjetër tregues i qartë është qyteti i Tiranës, ku pak kohë më parë këshilltarja e Lëvizjes Socialiste për Integrim, Bora Panajoti bashkoi votat me socialistët, duke miratuar buxhetin e kësaj bashkie.

Ndërkohë që i njëjti fenomen ku sërish protagonistë janë bërë këshilltarët e LSI, ka ndodhur edhe në qytetin e Durrësit.

Në dhjetor 2017, 4 nga anetaret e LSI ne Keshillin Bashkiak: Adriana Hatellari, Iris Gruda, Sanije Doda, Skender Korriku votuan pro buxhetit në bashkinë Durrës, duke bashkuar votat me PS, duke miratuar pr.buxhetin për vitin 2018 me vlerën rreth 48 mld lekë.

Nga ana tjetër, ikja e këshilltarëve të LSI-së drejt PS-së tashmë po haset shumë edhe në qytete e tjera.

Gjithashtu edhe në Lushnje, një këshilltar i LSI bashkoi votat me PS, duke mundësuar po ashtu kalimin e buxhetit 2018 për këtë Bashki.

I njëjti fenomen ka ndodhur dhe në Korçë, ku këshilltarët e LSI, tashmë në opozitë, pak kohë më parë bashkuan votat me ata të PS duke miratuar buxhetin për vitin 2018.

Ndonëse asnjë prej këshilltarëve nuk pranoi të komentojë votën pro miratimit të buxhetit, ajo që ra në sy ka të bëjë me faktin se këshilltarët e LSI-së vijojnë të braktisin këtë parti duke u rikthyer tek partia mëmë, që në këtë rast është Partia Socialiste.

E njëjta situatë ka ndodhur edhe në Fier, ku me datë 5 shkurt 2018 disa këshilltarë në këtë Bashki kanë braktisur këtë forcë politike duke ju bashkuar Partisë Socialiste. Dy prej këshilltarëve janë shprehur se s?mund të votojnë për vendime politike, por për interesa të qytetarëve, ndaj kanë vendosur që të shkëputen nga LSI-ja.

Këshilltarët që ju bashkuan PS-së, janë Thoma Tyto dhe Drita Sauli, ndërkohë Ekaterina Zarka doli e pavarur.

Me 13 mars 2018 në Gjirokastër, dy këshilltarë të LSI ju bashkuan Partisë Socialiste. Këshilltarët e larguar nga LSI, Arben Rexhaj dhe Adrian Hyska u shprehen se janë zgjedhur nga populli dhe jo nga krerët e partive, ndaj është e drejta e tyre që të zgjedhin forcën politike që vërtet i lë hapësirë për të dhënë kontributin e tyre.

Po ashtu në Vlorë, me 17 mars 2018, 4 anëtarë të LSI në Këshillin Bashkiak kanë kaluar në Partinë Socialiste. Të larguarit janë Bashkim Beqaj, Romana Jaho, Artemida Luci, Shkëlqim Leskaj.

Ndërsa me 19 mars 2018, Partia e Monika Kryemadhit ka pësuar goditjen e parë edhe në Këshillin Bashkiak të Skraparit. Edhe pse konsiderohet si një prej zonave më të forta të LSI-së, disa prej këshilltarëve duket se kanë dhënë sinjalet e para për t?u larguar drejt Partisë Socialiste. Ata kanë votuar për kryetar të Këshillit Bashkiak socialistin Partizan Gorçe.

Një tjetër qytet është edhe ai i Kurbinit, ku me 21 mars 2018, 3 këshilltarë të LSI ju bashkuan PS-së. Në një deklaratë për mediat tre këshilltarët Drane Halilaj, Zana Hoti dhe Vlash Piroli thonë se bashkëpunimi PD-LSI kundër Shqipërisë u tregua dhe me lobimin rus, ku LSI nuk u distancua.

Ndërsa rasti i fundit ka ndodhur sot në Shkodër, ku katër këshilltarët e LSI në këtë këshill bashkiak i janë bashkuar Partisë Socialiste. Këshilltarët e larguar janë: Sokol Jubica, Elton Radovani, Mirjan Bletaj, Roza Dedvukaj.

Në një deklarate për mediat ata shprehen se për fat të keq LSI dhe PD lanë pas krahëve ëndrrën e shkodranëve dhe të gjithë shqiptarëve duke u investuar në një kthim të fuqishëm kursi nga e shkuara dhe jo nga e ardhmja./ CNA.al