web counter
LEXO PA REKLAMA!

SHKARKO APP

App Store
Google Play

Aksidenti me dy viktima/ Shoferi një fëmijë, dorëzohet në polici bashkë me të atin

21 Mars 2018, 21:28, Aktualitet CNA

Aksidenti i mbrëmjes së sotme në të cilin humbën jetën dy persona dhe një i tretë u plagos, ka si autor një fëmijë, i cili është dorëzuar në polici së bashku me të atin.

Policia ka dhënë detaje të tjera nga aksidenti, ndërsa thotë se, Xh.N, rreth 15 vjeç, dyshohet se pas aksidentit u largua nga vendngjarja, por më pas është paraqitur në polici i shoqëruar nga i ati, shtetasi me inicialet G.N., 50 vjeç.

Në këtë aksident humbën jetën Gentian Hani dhe Alfred Balla, ndërsa mbeti i plagosur një 17-vjeçar.

Në njoftimin e policisë thuhet:

Sonte rreth orës 19.00, në vendin e quajtur ‘Lapidari’, njësia Administrative Komsi, Mat, janë përfshirë në aksident një automjet dhe nje motoçikletë, ku janë aksidentuar 3 shtetas.

Menjëherë është ngritur grupi hetimor ku ka shkuar në vendin e ngjarjes dhe nga verifikimet paraprake ka rezultuar se një automjet është aksidentuar me një motoçikletë. Për pasojë janë aksidentuar shtetasit:

-Gentian Hani, rreth 29 vjeç, i cili ka humbur jetën në vend si pasojë e aksidentit.

– Alfred Balla, rreth 35 vjeç, banues në Komsi, i cili ka humbur jetën gjatë rrugës drejt spitalit të Tiranës

-A.H, rreth 17 vjeç, banues në Komsi, po transportohet drejt spitalit të Tiranës.

Drejtuesi i automjetit pasi ka shkaktuar aksidentin është larguar nga vendi i ngjarjes, dhe më pas janë paraqitur në Komisariatin e Policisë Mat, pronari i automjetit shtetasi G.N, 50 vjeç, dhe djali i tij shtetasi Xh.N, rreth 15 vjeç.

Paraprakisht dyshohet se automjetin e drejtonte shtetasi Xh.N, i cili është përplasur fillimisht me motoçikletën, dhe më pas me shtetasit këmbësor.

Grupi hetimor po vijon hetimet për zbardhjen e plotë të shkaqeve të aksidentit. /CNA.al





Lajmet e fundit nga