Kërkesa për shfuqizimin e 20 shkurtit/ Mustafaj: Drejtuesit e PD të shkëputur nga historia

22 Mars 2018, 14:02, Politikë CNA

?Drejtuesit e rinj të Partisë Demokratike duhet ta përvetësojnë historinë e vetë partisë nëse duan të jenë serioze në politik-bërje?- është kjo këshilla e një prej themeluesve të PD, Besnik Mustafaj për politikanët e rinj të selisë blu, që pak ditë më parë kërkuan shfuqizimin e 20 shkurtit, ditën e rrëzimit të bustit të Enver Hoxhës si Dita e Kujtesës të Viktimave të Regjimit Komunist.

I ftuar në emisionin ?Rreze Dielli? në Report TV për të folur mbi librin e tij me poezi ?Biri i Adamit? , Mustafaj u shpreh se kishte mbetur i habitur nga kërkesa e një grupi të deputetëve të PD.

?Unë u zura në befasi kur e mora vesh nga mediat një kërkesë të tillë, por unë besoj dhe jam i bindur se kjo tentativë nxorri në pah një defekt që ka sot elita drejtuese e Partisë Demokratike që është shkëputja e lidhjeve me historinë, me memorien e kësaj partie. Ne e dimë se çfarë përfaqëson 20 shkurti. Kur kjo është vendosur në 2006 që të jetë edhe dita përkujtimore e viktimave të komunizmit, unë kam qenë pjesë e atyre që kanë arsyetuar pse.

Një nga argumentat kryesore që unë besoj që qëndron është se duke e quajtur 20 shkurtin ditën e viktimave të komunizmit, në fakt kompletohet cikli i sfidës dhe i triumfit përfundimtar të këtyre viktimave mbi Enver Hoxhën.

Nuk drejtohet një parti e madhe pa patur brenda vetes historinë. Këta deputetë të rinj i këshilloj që ta përvetësojnë historinë e partisë demokratike për të qenë vetë më seriozë në bërjen e politikës?

Ndërkaq shkrimtari dhe analisti Mustafaj ka komentuar edhe mbi zhvillimet e fundit në selinë blu dhe tentativës së kryedemokratit Basha për tu afruar me figurat e vjetra të partisë që u lanë jashtë listave dhe drejtimit të PD-së prej tij.

?Unë tani jam në pritje të shoh prova nga Basha dhe nga lidershipi aktual, prova sinqeriteti dhe prova konkrete për krasitjet që u bënë 4 vitet e kaluara dhe të 3 muajve, humbjen e vlerave të PD. Unë nuk kam dashur por ka kontributorë të tjerë. Politika është si poezi. Dua të besoj se Basha e ka kuptuar vendimin e gabuar dhe po përpiqet ta rikompozojë PD. Reflektim duhet nga Basha por edhe nga të tjetë.

Partia e madhe nuk është një grup shokësh. Partia është bashkim tek një kauzë tek një filozofi politike. Duahanin bashkë, buka veç e veç. Është shumë e rëndësishme si do shkohet në kuvend. Kuvendi është finalizim?.

I pyetur se pse u ftohën marrëdhëniet e tij me ish kryeministrin Sali Berisha, shkrimtari u përgjigj me një batutë: ?Për Zotin, veç për pazare nuk jemi prish? .