E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Trafiku i kokainës/ Xhafaj presion Hajdarmatajt

21 Mars 2018, 09:27, Aktualitet CNA

Ministri i Brendshëm Fatmir Xhafaj i është drejtuar me një letër Prokurorisë së Krimeve të Rënda

Mësohet se Xhafaj i ka kërkuar kreut të Prokurorisë së Krimeve të Rënda Besim Hajdarmataj, që të thërrasë kryetarin e Partisë Demokratike Lulzim Basha dhe deputetin Sali Berisha, me pretekstin se ata janë persona që kanë dijeni lidhur me poseduesit e ngarkesës prej 613 kg kokainë në Durrës.
Sipas Xhafajt, 2 deputetët duhen thirrur pasi kanë deklaruar publikisht se kanë dijeni se kush e zhvillon trafikun e drogës në vend dhe konkretisht për rastin e 613 kg kokainë të kapur në Maminas.

Në letrën drejtuar Hajdarmatajt, ministri ka nënvizuar se ?nga këto deklarime publike bie veçanërisht në sy fakti se nga zoti Sali Berisha dhe zoti Lulzim Basha pretendohet qartë që ata kanë dijeni për fakte konkrete lidhur me klanet e trafikut të drogës në Shqipëri. Po sipas këtyre deklarimeve publike, rezulton se të dy këta persona kanë veçanërisht dijeni mbi poseduesit dhe përfituesit e sasisë prej 613 kilogram kokainë të sekuestruar së fundmi në Portin e Durrësit?.

?Çmoj se ka interes të ligjshëm publik dhe posaçërisht për hetimin që është duke u kryer që, nga ana e institucionit që ju drejtoni, të thirren këta persona dhe të deklarojnë përpara Prokurorisë së Krimeve të Rënda, në zbatim të dispozitave të Kodit të Procedurës Penale, faktet për të cilat kanë dijeni dhe provat, që ata zotërojnë për klanet kriminale të trafikut të drogës, përfshi edhe rastin e fundit të sekuestrimit të 613 kilogram kokainë??, thuhet në letër.

Ministri i Brendshëm nënvizon se është detyrim kushtetues i zotit Berisha dhe zotit Basha t?i paraqesin Prokurorisë së Krimeve të Rënda faktet dhe provat që disponojnë.

?Ndërkohë unë njoh dhe respektoj faktin se zyra që ju drejtoni është organi kompetent që Kushtetuta dhe ligji e ngarkojnë të marrë dhe të vlerësojë ligjërisht deklarimet e këtyre zotërinjve dhe vërtetësinë e tyre, ndaj është përgjegjësia juaj institucionale dhe detyrimi kushtetues e ligjor i zotit Sali Berisha dhe i zotit Lulzim Basha që t?i paraqesin organit që ju drejtoni, faktet dhe provat mbi trafikun e drogës në Shqipëri, që ata pretendojnë në deklarimet e tyre publike?, thekson z.Xhafaj.

Në fund të letrës ministri shpreh gjithë mbështetjen institucionale të Ministrisë së Brendshme dhe Policisë së Shtetit për Prokurorinë e Krimeve të Rënda si dhe shprehet besimplotë tek puna dhe rezultatet hetimeve për çështjet e trafikut të drogës, përfshi këtu edhe çështjen e sekuestrimit të 613 kilogramëve kokainë në Durrës.