web counter
LEXO PA REKLAMA!

SHKARKO APP

App Store
Google Play

E fundit!

x

Basha ngre alarmin për përmbytjet në Shkodër dhe kërcënon zyrtarët

20 Mars 2018, 19:55, Aktualitet CNA

Kryetari i Partisë Demokratike Lulzim Basha, ka reaguar lidhur me situatën e krijuar nga përmbytjet në Shkodër.

Me anë të një postimi në rrjetet sociale, Basha i ka bërë thirrje Shtabit të Emergjencave Civile të shpallin gjendjen e Emergjencës së Jashtëzakonshme, pasi çdo orë që kalon është rrezik për banorët e Shkodrës, të cilët janë të bllokuar nga uji.

“Gjendja në Shkodër po përkeqësohet nga ora në orë. Qindra familje janë të izoluara nga uji. Dhjetëra prej tyre janë evakuuar vetëm orët e fundit.
Shkarkimet e ujit nga KESH vazhdojnë në nivele të larta. Sipërfaqja e përmbytur është dyfishuar brenda dy ditësh.
Deri tani kryeministri dhe vartësit e tij kanë injoruar kërkesën e përsëritur të kryetares së Bashkisë, këshillit bashkiak, kryetares së Qarkut dhe deputetëve demokratë, për të shpallur emergjencën.
Në këto kushte kjo nuk është vetëm e papërgjegjshme por KRIMINALE!
I bëj thirrje shtabit të emergjencës ti kërkojë zyrtarisht qeverisë shpalljen e emergjencës. Çdo orë e humbur rrezikon jetë njerëzish dhe mund të sjellë pasoja të pariparueshme.”, – shprehet Basha, ndërsa paralajmëron zyrtarët se do të përballen me pasojat ligjore dhe penale.

“Paralajmëroj çdo zyrtar që refuzon të marrë përgjegjësitë, se do të përballet me pasojat më të forta ligjore dhe penale.”, – shkruan Basha. /CNA.al





Lajmet e fundit nga