web counter
LEXO PA REKLAMA!

SHKARKO APP

App Store
Google Play

Vonesë në masat për përmbytjet/ Voltana Ademi shpërthen ndaj Prençit: Turp t’i vijë

20 Mars 2018, 20:54, Politikë CNA

Pas reagimit të shefit të Emergjencave Civile, Shemsi Prençi, për situatën e përmbytjeve në Shkodër, në një lidhje telefonike në emisionin ?Studio e Hapur? në News24, ka reaguar kryetarja e Bashkisë së këtij qyteti, Voltana Ademi.

Ademi i është kundërpërgjigjur deklaratës së Prençit ku tha se situata është paralajmëruar dhe se masat janë marrë me vonesë nga ana e bashkisë, duke thënë se e ka kërkuar që para dy javësh shpalljen e gjendjes së emergjencës.

?Turp që Shemsi Prenci thotë se situata është paralajmëruar dhe masat u morën me vonesë nga bashkia. Unë në datë 5 i kam dërguar shkresën e parë prefektit duke paralajmëruar një situatë të tillë që duhet të paralajmërohej nga Prenci dhe është e pafalshme që ne jemi në situatën që ende nuk e dimë se çfarë do ndodhte të nesërmen.

Ne kemi kërkuar informacion për të lajmëruar njerëzit. Kam kërkuar shpalljen e emergjencës së pjesshme prej 2 javësh. Ka një papërgjegjshmëri nga Prenci dhe faktorët e tjerë nga pushteti qendror. Kam kërkuar që prej 2 javësh të nisë evakuimi i banorëve. Nuk ka përplasje politike mes bashkisë dhe qeverisë për situatën e përmbytjeve. Duhet të marrë përgjegjësinë çdo institucion?,-u shpreh Voltana Ademi. /CNA.al

 





Lajmet e fundit nga